14.09.2026 | 10:21
Ուկրաինական ԱԹՍ-ները հարձակվել են Կրասնոդարի երկրամասի վրա․ Սոչիում հինգ մարդ է վիրավորվել
ԵԽ-ն պատրաստ է հարթակ դառնալ Հայաստանի և Ադրբեջանի հարաբերությունների կարգավորման համար․ ԵԽ գլխավոր քարտուղար
Քաղաքականություն
04.04.2022 | 17:03
Ադրբեջանի նախագահ Իլհամ Ալիևն այսօր ընդունել է Եվրոպայի խորհրդի գլխավոր քարտուղար Մարիա Պեյչինովիչ-Բուրիչին, գրում են ադրբեջանական լրատվամիջոցները։
Նշվում է, որ կողմերը քննարկել են երկկողմ հարաբերությունները, ինչպես նաև Հարավային Կովկասում գործընթացները։
Ալիևը Բուրիչին տեղակացրել է «Հարավային Կովկասում նոր իրավիճակի, Հայաստանին Ադրբեջանի առաջարկների մասին, ինչպես նաև Արցախի գրավյալ տարածքներում ներկա իրավիճակի մասին»։
«Երկրի ղեկավարը նշել է, որ Եվրախորհուրդը կարող է հարթակ դառնալ, որը կնպաստի երկու երկրների միջև վստահության ձևավորմանը և Հարավային Կովկասի ինտեգրված տարածաշրջանի ստեղծմանը»,- ասվում է հաղորդագրության մեջ։
Ադրբեջանական լրատվամիջոցների փոխանցմամբ՝ Պեյչինովիչ-Բուրիչն իր հերթին նշել է, որ Եվրոպայի խորհուրդը պատրաստ է հարթակ դառնալ Հայաստանի և Ադրբեջանի միջև հարաբերությունների կարգավորման և երկու երկրների հասարակությունների միջև վստահության ամրապնդման համար։
Էմմա Չոբանյան
