16.09.2026 | 19:14
Համաշխարհային օլիմպիադա. Շախմատի Հայաստանի հավաքականները մեկնարկեցին հաղթանակով
Ճապոնիան Հարավային Կուրիլները կանվանի «Ռուսաստանի կողմից օկուպացված պատմական հողեր»
Քաղաքականություն
31.03.2022 | 21:08
Տոկիոն Հարավային Կուրիլյան կղզիները պաշտոնապես կանվանի որպես «անօրինական օկուպացիայի տակ գտնվող Ճապոնիայի պատմական հողեր»։ Նման ձևակերպում կա «Դիվանագիտության կապույտ գրքի»՝ երկրի արտաքին քաղաքականության կառավարության տեղեկատուի նոր համարի նախագծում, հայտնում է VOA-ն։
Ճապոնիան հավակնում է Կուրիլյան շղթայի հարավային չորս կղզիներին՝ Իտուրուպին, Շիկոտանին, Կունաշիրին և Խաբոմային, սկսած Երկրորդ համաշխարհային պատերազմի ավարտից, երբ դրանք միացվեցին Խորհրդային Միությանը և ճապոնացիները դուրս բերվեցին այդ վայրերից: 1956 թվականին Մոսկվան և Տոկիոն հռչակագիր ստորագրեցին ռազմական գործողությունների ավարտի մասին, սակայն խաղաղության պայմանագիր այդպես էլ չկնքվեց։
Մինչև 2003 թվականը ճապոնական դիվանագիտությունը պաշտոնապես կղզիներն անվանում էր «ապօրինի օկուպացված», իսկ մինչև 2012 թվականը՝ «պատմական հողեր»։ 2012 թվականից ի վեր կառավարությունը խուսափում էր նման ձևակերպումներից՝ հույս ունենալով փոխզիջման հասնել Ռուսաստանի հետ։
Ճապոնիան պատրաստ էր վերադառնալ 1956 թվականի Կղզիների հռչակագրին: Դրանում ԽՍՀՄ-ը համաձայնել է Հաբոմայ և Շիկոտան կղզիները փոխանցել Ճապոնիային երկու երկրների միջև խաղաղության պայմանագրի ստորագրումից հետո։ 2019 թվականին Ճապոնիայի վարչապետ Սինձո Աբեն հայտարարեց, որ երդվել է վերջ դնել Կուրիլյան կղզիների խնդրին, սակայն բանակցություններն այդպես էլ ոչնչի չհանգեցրին։
Տաթև Ֆռանգյան
