26.11.2024 | 20:46
Նախարարը՝ սկանդալի կենտրոնում. Factor TV-ի հրապարակման հետքերով փաստաբաններն ուսումնասիրություն են կատարել. ՏԵՍԱՆՅՈՒԹ
Ռուսաստանն ի վիճակի չէ Կիևը գրոհով վերցնել․ Արեստովիչը՝ մայրաքաղաքում և դրա մերձակայքում տիրող իրավիճակի մասին
Քաղաքականություն
29.03.2022 | 16:36
Ռուսաստանն ի վիճակի չէ և չի կարողանա Կիևը գրոհով վերցնել, համենայնդեպս, այս արշավի ընթացքում։ BBC-ի ռուսական ծառայությանն այս մասին ասել է Ուկրաինայի նախագահի գրասենյակի ղեկավարի խորհրդական Ալեքսեյ Արեստովիչը։
Նա նշել է, որ Կիևի մերձակայքում ռուսական հարձակում չկա, սակայն ուկրաինական կողմից էլ շրջափակում չկա, ընթանում են ծանր մարտեր։
«Բանն այն է, որ դա շատ բարդ տեղանք է: Նախ՝ քաղաքային, երկրորդ՝ գետահովիտներ, ձորեր, անտառներ։ Ամեն ինչ մասամբ հեղեղված է, մասամբ՝ ականապատ, անանցանելի և այլն։ Այսինքն՝ տեղի է ունենում ծանր մարտական աշխատանք։ Ռուսական հրետանին աշխատում է, մերը՝ աշխատում, մենք և նրանք կորուստներ ենք կրում, և այստեղ մենք հեռու ենք հաղթական զեկույցներից։ Չկա ո՛չ շրջափակում, ո՛չ ավերածություն (ուկրաինական զորքերի կողմից՝ ռուսական կողմին հասցված), կա կիսաշրջափակում, կիսագրավում, բայց դա չի նշանակում ռազմական հաջողության հասնել։ Այլ բան է, որ Կիևի ուղղությունը նրանք դադարել են հեռանկարային համարել։ Դրա համար էր այստեղ ռեզերվ չեն տեղափոխում»,-ասել է Արեստովիչը։
Նա խոսել է նաև Ռուսաստանի կողմից քիմիական ու միջուկային զենքի կիրառման հնարավորության մասին։
«Մարդիկ, որոնք վախենում են համընդհանուր մոբիլիզացիա հայտարարել, Ռուսաստանին կդնե՞ն միջուկային պատերազմի սպառնալիքի շեմին։ Ինչ վերաբերում է քիմիական զենքին, ապա պետք է հասկանալ, որ ռազմական տեսակետից այն ոչ մի բան է։ Այն արդյունավետ էր միայն Առաջին համաշխարհային պատերազմի ժամանակ։ Երկրորդ համաշխարհայինի ժամանակ այն ընդհանրապես չի օգտագործվել։ Մենք ունենք Բայդենի հայտարարությունը, որում նա ասել է, որ ՆԱՏՕ-ն կմիջամտի, եթե կիրառվի քիմիական զենք»,- ասել է ուկրաինացի պաշտոնյան։
Էմմա Չոբանյան
