Հասարակություն
29.03.2022 | 18:17Ապօրինի թմրանյութ պահելու, իրացնելու և օգտագործելու վերաբերյալ օպերատիվ տեղեկությունը Մաշտոցի քրեական հետախույզներն իրացրին մարտի 22-ին:
Նրանք առավոտյան Հրազդանի կիրճում էին, որտեղից ժամը 11-ին բերման ենթարկեցին մայրաքաղաքի 19-ամյա մի բնակչի: Ոստիկանության Մաշտոցի բաժնում երիտասարդի անձնական խուզարկությամբ հայտնաբերվեց ընդհանուր մոտ 28 գրամ քաշով 23 փաթեթ`լցված մարիխուանայի նմանվող զանգվածով։ Հայտնաբերվեց նաև նմանատիպ զանգվածով լցված թղթե 2 փաթեթ:
Դեպքի առթիվ հարուցվել է քրեական գործ: Նշանակվել են փորձաքննություններ, 19-ամյա երիտասարդը ձերբակալվել է:
Հանգամանքները քննությամբ պարզվում են։
