28.03.2026 | 18:43
Հայաստանի հավաքականը նախախաղային մարզում անցկացրեց առանց Սպերցյանի․ ՏԵՍԱՆՅՈՒԹ
ՌԴ-ում ադրբեջանական կայքերի արգելափակմանն ի պատասխան՝ Բաքվում սպառնում են պատասխան միջոցներ ձեռնարկել
Քաղաքականություն
28.03.2022 | 21:43
Ադրբեջանում բավական վրդովված են ՌԴ-ի տարածքում ադրբեջանական մի շարք լրատվամիջոցների հասանելիության արգելափակման կապակցությամբ և սպառնում են պատասխան միջոցներ ձեռնարկել։
Նշվում է, որ համապատասխան միջոցներ կարող են ձեռնարկվել այն կայքերի գործունեության հետ կապված, որոնք հրապարակում են Ադրբեջանի շահերի և տարածքային ամբողջականության դեմ ուղղված տեղեկատվություն։
Ադրբեջանական «Ապա» գործակալության հետ զրուցյում Թվային զարգացման և տրանսպորտի նախարարությունից արձագանքել են Ռուսաստանում ադրբեջանական որոշ կայքերի վրա կիրառվող սահմանափակումների ֆոնին համարժեք միջոցներ ձեռնարկելու հնարավորության մասին։
«Եթե այդ ռեսուրսներում հրապարակվի տեղեկատվություն՝ ուղղված երկրի շահերին, տարածքային ամբողջականությանը և օրենսդրությանը, ապա այդ կայքերի գործունեության հետ կապված կարող են ձեռնարկվել համապատասխան միջոցներ»,-ասվում է հայտարարության մեջ։
Հիշեցնենք, որ Ռոսկոմնադզորը ՌԴ տարածքում արգելափակել է Ադրբեջանի իշխանությունների խոսափող haqqin.az, minval.az և oxu․az լրատվական կայքերը։
Էմմա Չոբանյան
