06.10.2026 | 13:57
Թոմաս Ադորյանը գեղեցիկ գոլ է խփել Արգենտինայի առաջնությունում. ՏԵՍԱՆՅՈՒԹ
Եթե իշխանավորներն աթոռներին չնիրհեին, կարևոր դիրքերը կահավորեին, Արցախում այս վիճակը չէր լինի. Օհանյան․ ՏԵՍԱՆՅՈՒԹ
Քաղաքականություն
28.03.2022 | 18:16
«Եթե ՀՀ իշխանությունների մոտ կա միամտության այսպիսի աստիճան, և իրենք կուրորեն հավատում են, թե ադրբեջանցիները պատրաստ են գնալ խաղաղության և այլևս սադրանքներ չեն լինելու, ապա անհասկանալի է, թե Արցախի իշխանություններն ինչպես կհավատան ադրբեջանական այս խորամանակություններին»,- այս մասին Factor.am-ի հետ զրույցում նշեց ԱԺ «Հայաստան» խմբակցության ղեկավար Սեյրան Օհանյանը։
Նրա խոսքով՝ Ադրբեջանը հետևողականորեն սաստկացնում է ճնշումներն Արցախի և Հայաստանի վրա՝ տարբեր սադրանքներով ու դիրքերի առաջխաղացմամբ՝ փորձելով Արցախը հայաթափել և Սյունիքով իրենց կապն ապահովել Թուրքիայի հետ՝ Մեծ թուրանի գաղափարն առաջ տանելով: «
Անգամ ՌԴ խաղաղապահ ուժերի առկայությունը նրանց չի խանգարում, պատրաստ են հայթափում իրականացնելու համար անգամ ՌԴ խաղաղապահների գործողությունները նսեմացնել:
Այս պարագայում անհասկանալի են և ադեկվատ չեն ՀՀ և ԱՀ իշխանությունների գործողությունները, որոնք պետք է ուղղված լինեն մեր անվտանգության առաջնահերթությունները որոշելուն: Առաջնահերթությունների մաս են սահմանային ծառայության կատարելագործումը, պաշտպանության ինժեներական կառույցների ձևավորումը:
Ստեղծված իրավիճակի հիմնական պատասխանատուն ՀՀ իշխանություններն են. նրանք կա՛մ չեն գիտակցում, կա՛մ միտումնավոր են անում… Եթե իշխանավորներն իրենց աթոռներին չնիրհեին, կարևոր դիրքերը կահավորեին, Արցախում այս վիճակը չէր լինի»,- նշեց Օհանյանը:
Մանրամասները՝ տեսանյութում:
