06.10.2026 | 12:58
Պետք է տանել «ԱԱԾ պադվալ» և տասնամյակներով պահել. Նարեկ Կարապետյանը` ադրբեջանցի զինվորի մասին․ ՏԵՍԱՆՅՈՒԹ
Էրիկ Փիլոյան. «Ամենամեծ պատճառներից մեկը, որ չպարտվեցինք՝ թիմի մթնոլորտն է». ՏԵՍԱՆՅՈՒԹ
06.10.2026 | 12:18
Ֆուտբոլի Հայաստանի ազգային հավաքականի գլխավոր մարզիչ պաշտպան Էրիկ Փիլոյանը ՀՖՖ մամուլի ծառայության հետ զրույցում անդրադարձել է Չեռնոգորիայի հավաքականի հետ գոլազուրկ ոչ-ոքիին Ազգերի լիգայի խմբային փուլի չորրորդ տուրում: Խաղի օրն «Ուրարտուի» ֆուտբոլիստը հայր էր դարձել:
«Շատ ուրախ եմ երկու առիթներով էլ։ Խաղից առաջ շատ դրական էմոցիաներ ունեի, հնարավոր է՝ դա ինձ օգնեց չզգալ հոգնածությունը։ Լուրն իմանալուց հետո շատ ուրախացա։ Մենք յուրաքանչյուր խաղի դուրս ենք գալիս հաղթելու, բայց գործ ունեինք լուրջ մրցակցի հետ, որը մեծ աջակցություն ուներ երկրպագուների կողմից։
Ավելի մեծ աշխատանք կատարեցի, քան մյուս խաղերում։ Դա կախված էր խաղային դիրքից։ Միանշանակ պատրաստ եմ յուրաքանչյուր դիրքում էլ խաղալ։ Ամենամեծ պատճառներից մեկը, որ չպարտվեցինք՝ թիմի մթնոլորտն է»,- ասել է Էրիկ Փիլոյանը։
Չորրորդ տուրից հետո C Լիգայի երկրորդ խմբի առաջատար Չեռնոգորիան ունի 10 միավոր, Կիպրոսը՝ 7, Հայաստանը` 4, իսկ Լատվիան` 1: Հայաստանի հավաքականն արդեն կորցրել է խմբում առաջին տեղը գրավելու շանսերը:
Եղիշե Մելիքյանի գլխավորած թիմը հաջորդ հանդիպումը կանցկացնի նոյեմբերի 12-ին՝ ընդունելով Կիպրոսի հավաքականին։ Երեք օր անց էլ կկայանա Ազգերի լիգայի խմբային փուլի վերջին խաղը Լատվիայի հավաքականի դեմ:
