08.09.2026 | 10:31
Պապոյանը Դուբայում քննարկել է հայկական կառուցապատման ոլորտը միջազգային հարթակներում ներկայացնելու հնարավորությունները
«Հրազդան ցեմենտի» աշխատողները պահանջում են 4 ամիսների աշխատավարձը․ ՈւՂԻՂ
Տնտեսություն
28.03.2022 | 14:20
Այսօր առավոտյան Factor.am-ի խմբագրություն էր ահազանգել «Հրազդան ցեմենտ» գործարանի աշխատակիցներից մեկը և նշել, որ շուրջ 70 աշխատակից արդեն 4 ամիս է` աշխատավարձ չի ստանում: Աշխատակիցը տեղեկացրել էր, որ մտադիր են բողոքի գործողություն իրականացնել և տնօրենից պահանջել` իրենց աշխատանքի դիմաց վարձատրել: Factor.am-ի նկարահանող խումբը մեկնել էր խնդրի հետքերով: Աշխատակիցները չցանկացան խոսել տեսախցիկի առաջ` պատճառաբանելով, որ կարող են հեռացվել աշխատանքից. մեզ ահազանգած աշխատակիցը ևս չցանկացավ բարձրաձայնել խնդիրը տեսախցիկի առաջ և ցանկացավ անանուն մնալ: Նա մեզ հետ հեռախոսազրույցում ասաց, որ հանդիպել են գործարանի տնօրեն Վարդան Գաբրիելյանի հետ: Վերջինս հավաստիացրել է, որ հաջորդ շաբաթվա ընթացքում խնդիրը կկարգավորվի, և աշխատակիցները կստանան 4 ամիսների աշխատավարձը: Գործարանի անվտանգության աշխատակիցները մեր նկարահանող խմբին չթույլատրեցին մտնել գործարան և զրուցել տնօրենի հետ, պարզել, թե աշխատավարձն ինչու չի վճարվել: Նրանք ասացին, որ տնօրենը այդ հարցով խորհրդակցության է:
Արփի Հակոբյան
