20.11.2024 | 08:36
Նիկոլ Փաշինյանը հայտնեց ՆԳ նոր նախարարի անունը
Ես ինքս 2021 թվականին չեմ գնացել արձակուրդ․ Ավանեսյանը՝ աշխատավարձերի գերածախսի մասին․ ՏԵՍԱՆՅՈՒԹ
Քաղաքականություն
25.03.2022 | 13:46
ԱԺ ֆինանսավարկային և բյուջետային հարցերի և ԱԺ առողջապահության հարցերի մշտական հանձնաժողովների համատեղ նիստում ընթանում է ՀՀ առողջապահության նախարարությունում ՀՀ 2021 թվականի պետական բյուջեի ինն ամիսների կատարման հաշվեքննության արդյունքների վերաբերյալ ՀՀ հաշվեքննիչ պալատի ընթացիկ եզրակացության քննարկում։
Հաշվեքննիչ պալատի ընթացիկ եզրակացության համաձայն՝ առողջապահության նախարարությունն ունեցել է 36 միլիոն 192 հազար 300 դրամի գերածախս:
Նախարարության ներկայացուցչի պարզաբանմամբ՝ դա պայմանավորված է պլանավորվածից ավելի շատ անձանց արձակուրդ և արձակուրդային գումարներ տրամադրելու հետ, քանի որ նախորդ ժամանակահատվածում նրանք հնարավորություն չեն ունեցել արձակուրդ գնալ:
«Ես ինքս չեմ գնացել արձակուրդ 2021-ին, որովհետև ուղղակի պահ չեմ ունեցել, այո, դա գուցե աշխատանքային պայմանագրի խախում է, բայց առողջապահության նախարարությունը իր աշխատակիցների հաշվին իրականացրել է իր գործառույթները՝ թե՛ պատերազմով, թե՛ քովիդով պայմանավորված: Մեր նախարարության հաստիքացուցակը բավականին փոքր է, և այդ հաստիքացուցակն առանց ավելացնելու՝ ընթացիկ գործառույթներից բացի՝ իրականացրել ենք հավելյալ երկու խոշոր մարտահրավերների դեմ պայքար»,- նշեց ՀՀ առողջապահության նախարար Անահիտ Ավանեսյանը:
Մանրամասները՝ տեսանյութում:
