06.11.2024 | 23:22
Ժոզեպ Բորելը շնորհավորել է Դոնալդ Թրամփին և հայտարարել ուժեղ Եվրոպա ստեղծելու մասին
Բայդենը նախազգուշացրել է՝ ՆԱՏՕ-ն կպատասխանի, եթե Ռուսաստանը քիմիական զենք օգտագործի
Քաղաքականություն
25.03.2022 | 14:18
ԱՄՆ նախագահ Ջո Բայդենը հայտարարել է, որ «ՆԱՏՕ-ն կպատասխանի», եթե Ռուսաստանը քիմիական զենք օգտագործի Ուկրաինայում, գրում է BBC-ն։
Բայդենը, որը Եվրոպայում է դաշնակիցների հետ բանակցությունների համար, չի պարզաբանել, թե դա ինչ կարող է նշանակել:
Հարցին՝ Ռուսաստանի նախագահ Վլադիմիր Պուտինի կողմից քիմիական զենքի կիրառումը կհանգեցնի՞, արդյոք, ՆԱՏՕ-ի ռազմական պատասխանին, Բայդենն ասել է, որ դա «կհանգեցնի նման պատասխանի»:
«Մենք կարձագանքենք, եթե Մոսկվան օգտագործի դա, պատասխանի բնույթը կախված կլինի օգտագործման բնույթից»,- ասել է նա:
Նրա մեկնաբանությունը հնչել է Բրյուսելում, որտեղ արևմտյան առաջնորդները ցույց տվեցին միասնական ճակատ ընդդեմ Ռուսաստանի ներխուժման: Բայդենն այսօր մեկնում է Լեհաստան, որտեղ ավելի քան երկու միլիոն փախստական ուկրաինացիներ են ապաստանել:
Տաթև Ֆռանգյան
