16.09.2026 | 19:25
Կախած վիճակում կոշիկդ հանելու եմ. Փաշինյանը` Լևոն Քոչարյանին. ՏԵՍԱՆՅՈՒԹ
Բայդենը մեկնում է Լեհաստան՝ հաջակցություն Ուկրաինայի
Քաղաքականություն
25.03.2022 | 12:09
ԱՄՆ նախագահ Ջո Բայդենն ուրբաթ օրը մեկնում է Լեհաստան՝ փորձելով աջակցություն ցույց տալ Ուկրաինային, որն ավելի քան մեկ ամիս դիմադրում է ռուսական ագրեսիային։
Որպես առաջին գծի պետություն՝ Լեհաստանը առանցքային դեր է խաղում Ուկրաինային օգնություն տրամադրելու հարցում, որն ակտիվորեն դիմադրում է ռուսական ռազմական գործողություններին, գրում է VOA-ն։
Բայդենը կժամանի Լեհաստանի նախագահ Անջեյ Դուդայի հետ բանակցությունների Բրյուսելում ՆԱՏՕ-ի ու «Մեծ յոթնյակի» արտահերթ գագաթնաժողովից հետո, որի մասնակիցները պատրաստակամություն են հայտնել ընդլայնել Ուկրաինային աջակցությունը իր համար դժվարին պահին։
Հինգշաբթի օրը եվրոպացի առաջնորդները միասնություն դրսևորեցին Վաշինգտոնի հետ ուկրաինական պատերազմի հարցում. Լոնդոնը նոր պատժամիջոցներ սահմանեց Կրեմլի դեմ, իսկ ՆԱՏՕ-ն որոշեց ավելացնել իր զորքերի թիվը Արևելյան Եվրոպայում: Սա հենց այն որոշումն է, ինչին փորձում էր հասնել նախագահ Բայդենը Բրյուսելի գագաթնաժողովում։
Հինգշաբթի օրը կայացած փակ հանդիպման ժամանակ Սպիտակ տան ղեկավարը հերթական անգամ կոչ է արել օգնություն ցուցաբերել Ուկրաինային և ուժեղացնել Հյուսիսատլանտյան դաշինքի արևելյան թևը։
Միևնույն ժամանակ, ՆԱՏՕ-ի ղեկավարությունը առայժմ ձեռնպահ է մնում Ուկրաինայի վրա ոչ թռիչքային գոտի ստեղծելուց՝ չցանկանալով դառնալ հակամարտության անմիջական մասնակիցներից մեկը։
