06.11.2024 | 23:22
Ժոզեպ Բորելը շնորհավորել է Դոնալդ Թրամփին և հայտարարել ուժեղ Եվրոպա ստեղծելու մասին
Ուկրաինայում ռուսական ագրեսիան 128 երեխայի կյանք է խլել
Քաղաքականություն
24.03.2022 | 17:01
Ուկրաինա Ռուսաստանի Դաշնություն ռազմական ներխուժման սկզբից ի վեր մահացել է 128 երեխա, ավելի քան 172-ը՝ վիրավորվել։ Այս մասին մարտի 24-ին հայտնել է Ուկրաինայի գլխավոր դատախազության մամուլի ծառայությունը, գրում է Korrespondent-ը։
«2022 թվականի մարտի 24-ի առավոտվա դրությամբ՝ 128 երեխա է զոհվել, ավելի քան 172-ը՝ վիրավորվել են․ Կիևում՝ 64, Խարկովում՝ 43, Դոնեցկում՝ 43, Չեռնիգովում՝ 32, Նիկոլաևում՝ 24, Կիևում՝ 16։ Ամենաշատը երեխաներ են տուժել Ժիտոմիրի շրջանում՝ 15, Խերսոնում՝ 15 և Սումիում՝ 14»,- հայտնել են օպերատիվ շտաբից:
Ամենօրյա ռմբակոծությունների ու հրետակոծությունների հետևանքով տուժել է 566 ուսումնական հաստատություն, որից 73-ն ամբողջությամբ ավերվել է։ Այս պահին վնասվել կամ ավերվել է ավելի քան 230 դպրոց և 155 մանկապարտեզ։ Ուսումնական հաստատությունների մեծ մասը տուժել է Դոնեցկի, Խարկովի, Նիկոլաևի, Սումիի, Կիևի, Խերսոնի, Չեռնիգովի մարզերում և Կիևում։
Հիշեցնենք, որ Ռուբիժնեի գիշերային գնդակոծության արդյունքում երկու երեխա է զոհվել։
Տաթև Ֆռանգյան
