06.03.2026 | 23:30
ԱՄՆ կոնգրեսականները պահանջում են հետաքննել Վաշինգտոնում Ալիևի անվտանգության աշխատակիցների հետ կապված միջադեպը
Մեծ Բրիտանիան Ուկրաինային ևս 6000 միավոր զենք կտրամադրի
Քաղաքականություն
24.03.2022 | 15:24
Մեծ Բրիտանիան մտադիր է Ուկրաինային փոխանցել ևս 6․000 միավոր սպառազինություն, այդ թվում՝ հակատանկային հրթիռներ։ VOA-ի փոխանցմամբ՝ այս մասին ասվում է վարչապետ Բորիս Ջոնսոնի գրասենյակի տարածած հաղորդագրության մեջ՝ G7-ի, ՆԱՏՕ-ի և ԵՄ-ի գագաթնաժողովների նախօրեին, որոնք կանցկացվեն Բրյուսելում մարտի 24-25-ը։
Նշվում է, որ այցի ընթացքում բրիտանական կառավարության ղեկավարը կհայտարարի Կիևին ռազմական օգնության նոր փաթեթի մասին, որը կուղարկի «ևս 6․000 հրթիռ, այդ թվում՝ հակատանկային»։
Մեծ Բրիտանիան արդեն Ուկրաինա է ուղարկել ավելի քան 4․000 NLAW ATGM և Javelin հակատանկային համակարգեր:
«Միացյալ Թագավորությունն իր դաշնակիցների հետ միասին կավելացնի ռազմական և տնտեսական աջակցությունն Ուկրաինային»,- ասել է Ջոնսոնը։
Տաթև Ֆռանգյան
