29.07.2026 | 00:56
«Արարատ-Արմենիան» դուրս եկավ Չեմպիոնների լիգայի որակավորման երրորդ փուլ. ՏԵՍԱՆՅՈՒԹ
Անկարան Ռուսաստանից պահանջում է անհապաղ դադարեցնել ագրեսիան Ուկրաինայի դեմ․ ՄԱԿ-ում Թուրքիայի ներկայացուցիչ
Քաղաքականություն
24.03.2022 | 12:42
ՄԱԿ-ում Թուրքիայի մշտական ներկայացուցիչ Ֆերիդուն Սինիրլիօղլուն հայտարարել է, որ Ռուսաստանի ագրեսիան Ուկրաինայի դեմ միջազգային իրավունքի կոպտագույն խախտում է, գրում է Անադոլու գործակալությունը։
«Թուրքիան երբեք դրա հետ չի համակերպվի, մենք կոչ ենք անում կրակի անհապաղ դադարեցում։ Այս պատերազմում չի կարող լինել հաղթող։ Այս պատերազմը չպետք է սկսվեր և անհապաղ պետք է դադարեցվի։ Միջազգային հանրությունը չի կարող դրա հետ համակերպվել, սա միջազգային իրավունքի կոպտագույն խախտում է»,-ասել է Թուրքիայի ներկայացուցիչը։
Սինիրլիօղլուն ուշադրություն է հրավիրել Մարիուպոլում ճգնաժամային իրավիճակի վրա, որտեղ ամեն օր կանայք ու երեխաներ են մահանում։ «Մենք մեր ուկրաինացի եղբայրներին փորձանքի մեջ չենք թողնի։ Ռուսաստանը պետք է դադարեցնի ագրեսիան այդ երկրի դեմ, նրանք պետք է անհապաղ լքեն ինքնիշխան երկրի տարածքը առանց որևէ նախապայմանի»,- ասել է Թուրքիայի բանագնացը։
Էմմա Չոբանյան
