16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Ռուսաստանը ֆոսֆորային ռումբ է կիրառել․ Լուգանսկի շրջանի ղեկավար
Քաղաքականություն
24.03.2022 | 13:06
Լուգանսկի շրջանի ղեկավարության տվյալներով՝ վերջին 24 ժամվա ընթացքում ռուսական հարվածների զոհ է դարձել չորս մարդ, որոնցից երկուսը երեխաներ են։ Եվս վեցը վիրավոր են։ Ավելի շատ զոհեր կարող են լինել առաջին հերթին Ռուբիժնեում, որտեղ, ըստ Լուգանսկի շրջանային նահանգային վարչակազմի ղեկավար Սերգեյ Գայդայի, ՌԴ-ն ֆոսֆորային ռումբեր է նետել, գրում է BBC-ի ռուսական ծառայությունը։
«Իրավիճակը շատ բարդ է Ռուբիժնեում, որտեղ մարտերը շարունակվում են քաղաքի կենտրոնում։ Ըստ հաստատված տեղեկությունների՝ ունենք չորս զոհ, որոնցից երկուսը երեխաներ են, վեցը՝ վիրավոր»,- ասել է Գայդայը։
Նաև, ըստ վարչակազմի ղեկավարի, մեկ օրվա ընթացքում մարզում վնասվել կամ հիմնովին ավերվել է 23 բնակելի շենք՝ 10 բարձրահարկ և 13 առանձնատուն։
Շրջանի ավելի քան 100 հազար բնակիչ մնում է առանց էլեկտրականության։
Տաթև Ֆռանգյան
