20.11.2024 | 08:36
Նիկոլ Փաշինյանը հայտնեց ՆԳ նոր նախարարի անունը
Փոփոխություններ՝ նախադպրոցական կրթության օրենքում․ ի՞նչ է առաջարկում ԿԳՄՍ նախարարությունը․ ՏԵՍԱՆՅՈՒԹ
Հասարակություն
23.03.2022 | 14:01
Ազգային ժողովում քննարկում է «Նախադպրոցական կրթության մասին» օրենքում փոփոխություն և լրացումներ կատարելու մասին նախագիծն առաջին ընթերցմամբ ընդունելու հարցը: ԿԳՄՍ նախարարի տեղակալ Ժաննա Անդրեասյանը ներկայացրեց նախագծի լրամշակված տարբերակը:
«Սահմանվում է 0-6 տարեկան երեխաների կրթության և զարգացման կազմակերպման մանկավարժահոգեբանական աջակցության ծառայությունների տրամադրման կարգը: Պետք է հիշեցնեմ, որ «Նախադրոցական կրթության մասին» օրենքով սահմանվել էր, որ մենք անցնում ենք համընդհանուր ներառման:
Այս ուղղությամբ աշխատանքներն ամբողջ ծավալով ընթանում են, սակայն լիազորող նորմերի մասում խնդիր ունեինք, որ համապատասխան կարգի սահմանումը բաց էր, այժմ լրացվում է»,- նշեց Անդրեասյանը:
Բացի դրանից՝ սահմանվում է համայնքային նախադպրոցական ուսումնական հաստատությունների մանկավարժական աշխատողների տրանսպորտային ծառայությունների դիմաց փոխհատուցման կարգը:
Սահմանվում են նաև համայնքային նախադպրոցական ուսումնական հաստատությունների մանկավարժական աշխատողների տարակարգի շնորհման, տարակարգի շնորհման հանրապետական հանձնաժողովի ձևավորման ու գործունեության և տարակարգ ստացած մանկավարժական աշխատողներին հավելավճար տրամադրելու կարգերը:
«Կարևոր եմ համարում այն մեխանիզմի ներդրումը, որ պետք է ունենանք ոլորտում մասնագիտական զարգացման և վարձատրության փոխկապակցված համակարգ»,- նշեց Ժաննա Անդրեասյանը:
Մանրամասները՝ տեսանյութում:
