20.11.2024 | 09:31
ՀՀ տարածքում ավտոճանապարհներն անցանելի են
Ալիևը հայտարարել է, թե 44-օրյա պատերազմում Ադրբեջանը «չի կռվել քաղաքացիական բնակչության դեմ և չի ռմբակոծել բնակելի շենքերը»
Քաղաքականություն
18.03.2022 | 15:13
Ադրբեջանի նախագահ Իլհամ Ալիևը Բուլղարիայում կայացած մինչև 23 տարեկանների ըմբշամարտի Եվրոպայի առաջնության մասնակիցների հետ հանդիպմանը մի շարք ուշագրավ հայտարարություններ է հնչեցրել։
Մասնավորապես, Ալիևը նշել է, որ հիմա մարզիկները, մարզիչները, սպորտի ոլորտի մասնագետները տեսնում են՝ որքան է փոխվել վերաբերմունքն Ադրբեջանի նկատմամբ, քանի որ «հիմա ներկայացնում են հաղթող երկիր»։
Խոսելով Արցախյան 44-օրյա պատերազմի մասին՝ Ալիևը նշել է, որ Ադրբեջանը, իբր, ռազմական հանցագործություններ չի իրականացրել։
«Մենք պատերազմը վարել ենք արժանապատվորեն՝ պահպանելով պատերազմի բոլոր կանոնները։ Մենք չենք կռվել քաղաքացիական բնակչության դեմ, չենք ռմբակոծել շենքերը, դաժանություն չենք ցուցաբերել»,- ասել է Ադրբեջանի նախագահը՝ միաժամանակ խոստովանելով, որ ադրբեջանցիներն ատելությամբ են լցված, և որ իր ցանկությունն է եղել՝ հայերից ամեն գնով վրեժ լուծել։
Հավելենք, որ պատերազմի ընթացքում Ադրբեջանի իրականացրած ռազմական հանցագործությունները ներկայացրել է ոչ միայն ՀՀ-ը, այլև միջազգային տարբեր կառույցներ։ Բացի այդ, ՀՀ-ն միջազգային ատյաններում դատական հայցեր է ներկայացրել Բաքվի դեմ՝ նաև պատերազմական հանացագործությունների համար։
Էմմա Չոբանյան
