18.12.2025 | 20:11
Չե՞ք կարծում, որ Ձեր լռությունը կարող է այլ կերպ ընկալվել. կաթողիկոսը հարցերի չպատասխանեց. ՏԵՍԱՆՅՈՒԹ
2017-2021 թթ․ ո՞ր երկրներից են զենք ձեռք բերել Հայաստանն ու Ադրբեջանը․ Sipri-ի նոր տվյալները
Քաղաքականություն
14.03.2022 | 15:03
Ստոկհոլմի խաղաղության միջազգային հետազոտությունների ինստիտուտը՝ Sipri– ին, հրապարակել է 2017-2021 թվականների ընթացքում զենքի համաշխարհային առևտրի մասին նոր զեկույցը։
Դրանում նշվում է, որ նշված ժամանակահատվածում սպառազինությունների խոշորագույն արտահանող երկրներն են եղել ԱՄՆ-ն, ՌԴ-ն, Ֆրանսիան, Չինաստանը, Գերմանիան, Իտալիան, Մեծ Բրիտանիան, Հարավային Կորեան, Իսպանիան և Իսրայելը։ Թուրքիան ցանկի 12-րդ հորիզոնականում է։
Սպառազինությունների խոշորագույն ներկրողների թվում Ադրբեջանը զբաղեցնում է 37-րդ հորիզոնականը։ Հետազոտության համաձայն՝ նշյալ ժամանակահատվածում Ադրբեջանի զենքի հիմնական մատակարարներն են եղել Իսրայելը՝ 61 տոկոսով (ի դեպ, Ադրբեջանն Իսրայելից զենքի երկրորդ խոշոր գնորդն է՝ 13 տոկոսով), Ռուսաստանը՝ 22 տոկոսով և Բելառուսը՝ 6,6 տոկոսով։ Հավելենք, որ ՌԴ-ն և Բելառուսը ՀԱՊԿ-ում Հայաստանի գործընկերներն են։
Զենքի խոշորագույն ներկրող 40 երկրների շարքում Հայաստանը չկա։ Սակայն հրապարակված տվյալները ցույց են տալիս, որ Հայաստանը 2017-2021 թվականներին ակտիվորեն զենք է գնել Հնդկաստանից ու Հորդանանից։ Սպառազինությունների խոշորագույն արտահանող երկրների թվում Հնդկաստանը զբաղեցնում է 23-րդ հորիզոնականը։ Իսկ Երևանը Հնդկաստանի երրորդ խոշոր զենքի գնորդն է՝ 13 տոկոսով։
Հորդանանն արտահանող երկրների ցանկում 25-րդն է։ Հայաստանի մասնաբաժինը զենքի գնման մեջ կազմել է 10 տոկոս՝ դառնալով այս երկրի 3-րդ խոշոր գնորդը։
Էմմա Չոբանյան
