06.10.2026 | 15:13
Փաշինյանն ընդունել է Հայաստանում Ֆրանսիայի նորանշանակ դեսպանին
Գազատարի պայթեցումն ահաբեկչական գործողություն է և չպետք է անպատասխան մնա․ Արցախից տեղահանված․ ՏԵՍԱՆՅՈՒԹ
11.03.2022 | 14:25
Արցախից տեղահանված և ՀՀ-ում հաստատված հադրութցիներն ու շուշեցիները Երևանի Հանրապետության հրապարակում ակցիա են իրականացնում` պահանջելով, որ ՀՀ կառավարությունն արձագանքի ադրբեջանական ագրեսիային և պաշտպանի խաղաղ բնակչությանը։
«Ցանկանում ենք դիմել ՀՀ կառավարությանը, որպեսզի իրենց ձայնը բարձրացնեն Արցախի Հանրապետության խաղաղ բնակչությանը պաշտպանելու համար»,- նշեց ակցիայի մասնակիցներից մեկը: Խոսելով գազատարի վթարվելու մասին, նա ընդգծեց, որ այդ քայլն ահաբեկչական գործողություն է, որը չպետք է անպատասխան մնա, և շեշտեց` ահաբեկիչներին ձերբակալելու համար դիմել են նաև Արցախի կառավարությանը։
«Օտարերկրյա բոլոր ռազմական միավորումները, որոնք գտնվում են մեր հանրապետության տարածքում առանց մեր կառավարության թույլտվության, պետք է հայտարարվեն օրենքից դուրս, և պահանջվի, որ դրանք դուրս բերվեն: Հակառակ պարագայում այդ զինվորական կազմավորումները պետք է հայտարարվեն ապօրինի, և նրանց զինաթափման ուղղությամբ պետք է որոշումներ ընդունվեն»,- ասաց ակցիայի մասնակիցը:
Մանրամասները՝ տեսանյութում:
