Ինչպես է 30 մլն դոլարը թալանվել ԶՊՄԿ-ից. բացահայտված կոռուպցիոն սխեման և նվիրատվության մութ կողմերը․ ՏԵՍԱՆՅՈւԹ

Լուրեր

22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
22.11.2026 | 14:13
Հայաստանում օդի ջերմաստիճանը կնվազի 8-10 աստիճանով․ սպասվում են անձրև և ուժեղ քամի
22.11.2026 | 13:32
Ուժեղ քամին վնասել է տանիքներ և արևային վահանակներ․ ահազանգեր՝ երկու մարզից
22.11.2026 | 13:13
Հրապարակվել են նոյեմբերի 29-ի ՏԻՄ ընտրությունների ընտրողների վերջնական ցուցակները
22.11.2026 | 12:59
Հայաստանն ու Իրանը քննարկել են բարձր տեխնոլոգիաների ոլորտում համագործակցության հեռանկարները
22.11.2026 | 12:13
Փաշինյանը հանդիպել է Digitec 2026-ին մասնակցող ՏՏ ընկերությունների ղեկավարների հետ
22.11.2026 | 11:57
Թրամփը լուսանկար է հրապարակել Պուտինի հետ և կրկին նրան իր ընկերն անվանել
22.11.2026 | 11:45
Հայաստանն ու Լիբանանը պետք է շարունակեն ամրապնդել քաղաքական երկխոսությունը․ Փաշինյանի ուղերձը
22.11.2026 | 11:18
Նոյեմբերի 22-ին Մալաթիա-Սեբաստիա վարչական շրջանի մի շարք հասցեներում ջուր չի լինի
22.11.2026 | 10:58
Վարդենյաց լեռնանցքում ձյուն է տեղում, հանրապետության մի շարք շրջաններում՝ անձրև
22.11.2026 | 10:42
Նոյեմբերի 22-ին Մեղրի քաղաքի և Արարատ գյուղի մի շարք հասցեներում ջուր չի լինի
22.11.2026 | 10:12
Քարի լիճ տանող ճանապարհը փակ է, Լարսը՝ բաց բոլոր տեսակի տրանսպորտային միջոցների համար
22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
Բոլորը

«Զանգեզուրի պղնձամոլիբդենային կոմբինատ» ՓԲԸ-ում կոռուպցիոն սխեմա է կիրառվել, ինչի հետևանքով պետությանը պատճառվել է 15 մլրդ 17 մլն դրամի վնաս: Սա համարժեք է 30 մլն դոլարի:

Ըստ ՊԵԿ նախագահ Ռուստամ Բադասյանի՝ 2016 և 2017 թվականներին ԶՊՄԿ-ի գլխավոր տնօրեն Մհեր Պոլոսկովը պղնձի խտանյութի վաճառքը կազմակերպել է միջնորդավորված: Խտանյութը շուկայականից խիստ ցածր գներով վաճառվել է Արաբական Միացյալ Էմիրություններում հաշվառված ընկերությանը, որն էլ իրական արժեքով վաճառել է իրական գնորդին:

Հարուցված քրեական գործի շրջանակում Մհեր Պոլոսկովն ընդունել է իր կատարած խարդախությունը և վերականգնել պետությանը պատճառած վնասը: Նիկոլ Փաշինյանն այսօր կառավարության նիստում թալանված միջոցների վերադարձի մասին խոսելիս նշեց.

Այս 30 մլն դոլարը չի վճարվել ԶՊՄԿ-ի միջոցների հաշվին: Ռուստամ Բադասյանը հայտնեց, որ Պոլոսկովն իր միջոցների հաշվին է վնասը վերականգնել և օրենքի շրջանակում ազատվել է քրեական պատասխանատվությունից: Պոլոսկովը կոմբինատի տնօրենի պաշտոնից ազատվել էր 2021 թվականի մայիսին, նա այդ պաշտոնը զբաղեցնում էր 2015 թվականից: Լրատվամիջոցներն ավելի վաղ գրել էին, որ նա նաև կոմբինատի 7,5 տոկոսի սեփականատերն է:

ԹԻՀԿ ծրագրերի համակարգող Վարուժան Հոկտանյանը Պոլոսկովի կողմից պետբյուջե 15 մլրդ դրամի վերադարձը համարում է թալանի դասական վերադարձ, թեև ընդգծում է՝ կան բազմաթիվ անպատասխան հարցեր։

Հանքարդյունաբերող «Զանգեզուրի պղնձամոլիբդենային կոմբինատ» ՓԲԸ-ն (ԶՊՄԿ), 2021 թվականի տարեկան տվյալներով, Հայաստանի խոշորագույն հարկատուն է։ Պետական եկամուտների կոմիտեի հրապարակած տվյալները վկայում են, որ 2021 թվականի հունվար-դեկտեմբերին ԶՊՄԿ-ն պետական բյուջե է վճարել 48.8 մլրդ դրամի հարկեր։ 2020 թվականի համեմատ՝ ընկերության վճարած հարկերն աճել են 5.8 մլրդ դրամով կամ 13.6%-ով։ Հսկայական ռեսուրսներ տնօրինող ընկերությունում 2021 թվականի սեպտեմբերի 30-ից 15 տոկոս բաժնեմաս ունի նաև Հայաստանի կառավարությունը: «Գեոպրոմայնինգ Արմենիային» պատկանող «Արդյունաբերական ընկերությունը» սեպտեմբերի 29-ին ձեռք էր բերել ԶՊՄԿ-ի 60 տոկոսը, որից 25 տոկոսը նույն օրը նվիրաբերել էր կառավարությանը:

Թե ինչու և ինչպես հանքարդյունաբերող հսկան տնօրինողը որոշեց կառավարությանը բաժնեմաս նվիրել, անհայտ է: ՊԵԿ նախագահ Ռուստամ Բադասյանը վստահեցնում է՝ այս խոշոր նվիրատվության մեջ կոռուպցիոն ռիսկեր չկան։

Նիկոլ Փաշինյանը նախորդ տարի Սյունիքում, դեռ նախընտրական շրջանում, խոստացել էր կոմբինատի՝ ժողովրդից գողացված բաժինը վերադարձնել ժողովրդին: Բադասյանն այսօր վստահ հայտարարեց, որ այս նախընտրական խոստումը քաղաքական թիմն իրականացրել է:

Եթե Ռուստամ Բադասյանն ակնարկում է, որ բաժնետոմսերի նվիրատվությունը թալանի վերադարձ էր, ապա հարց է առաջանում, թե ովքեր էին գողացել, ինչպես բացահայտվեց և ինչու թալանչիները պատասխան չեն տալիս: ԹԻՀԿ-ն և «Սիվիլնեթ»-ը դատական հայց են ներկայացրել՝ պահանջելով դատարանից պարտավորեցնել կառավարության աշխատակազմին՝ տրամադրել Զանգեզուրի պղնձամոլիբդենային կոմբինատի կողմից կառավարությանը 15 տոկոսի բաժնետոմսերի նվիրատվության պայմանագիրը։

Վարուժան Հոկտանյանը նշում է՝ փաստաթղթի հանրայնացումը բազմաթիվ հարցերի կպատասխանի: Նա, միաժամանակ, մտավախություն ունի, թե որքանով պետության իրական կարիքների համար կծառայեցվեն այս գումարները։

Մանրամասները՝ տեսանյութում։

Նարեկ Կիրակոսյան