21.02.2026 | 10:27
Ստեփանծմինդա-Լարս ավտոճանապարհը փակ է կցորդով բեռնատարների համար
Նիկոլ Փաշինյանի «համբերության բաժակը»՝ 6 հրաժարականի պատճառ. ի՞նչ սպասել նոր նշանակումներից․ ՏԵՍԱՆՅՈՒԹ
Քաղաքականություն
20.11.2024 | 21:00
Կառավարությունում աղմկահարույց ազատումներից և հրաժարականներից հետո արդեն կան առաջին նշանակումները։ Ներքին գործերի փոխնախարար Արփինե Սարգսյանը նշանակվել է ՆԳ նախարար՝ զբաղեցնելով պաշտոնանկ արված Վահե Ղազարյանի աթոռը։ Հայտնի է նաև Գնել Սանոսյանին փոխարինողի անունը․ Տարածքային կառավարման և ենթակառուցվածքների նախարարությունը կղեկավարի Արմավիրի մարզպետ Դավիթ Խուդաթյանը։ Դեռևս հայտնի չէ՝ ով կփոխարինի Ռուստամ Բադասյանին ՊԵԿ նախագահի պաշտոնում, Կարեն Անդրեասյանին՝ ԲԴԽ նախագահի պաշտոնում, Սասուն Խաչատրյանին՝ Հակակոռուպցիոն կոմիտեի նախագահի պաշտոնում, Արգիշտի Քյարամյանին՝ Քննչական կոմիտեի նախագահի պաշտոնում։
Դատաիրավական համակարգի աշխատանքից դժգող Նիկոլ Փաշինյանը դեռ նախորդ ուրբաթ էր զգուշացրել՝ իր «համբերության բաժակը» լցվել է։ Ինչի՞ց է իրականում դժգոհ 6 տարի Հայաստանը ղեկավարող վարչապետ Նիկոլ Փաշինյանը։ Բարեփոխումների դանդաղությունը, հանրության շրջանում արդարության պակասը, հակակոռուպցիոն և հանցավորության դեմ պայքարում տեսանելի արդյունքների բացակայությունը նախարարների և հակակոռուպցիոն մարմինների ղեկավարների՞ մեղքն է, թե՞ վարչապետի։ Ինչո՞վ էին պայմանավորված այս ազատումները, և ի՞նչ սպասել դրանցից հետո։
Քննարկմանը մասնակցում են Ժաննա Ալեքսանյանը՝ «Լրագրողներ հանուն մարդու իրավունքների» ՀԿ ղեկավար, իրավապաշտպան, Նինա Կարապետյանցը՝ Հելսինկյան ասոցացիայի նախագահ, իրավապաշտպան, Անի Սամսոնյանը՝ քաղաքական գործիչ, Գարեգին Միսկարյանը՝ Ժողովրդավարական հարթակ հիմնադրամի տնօրեն, Դավիթ Կարապետյանը՝ միջազգայնագետ։
