20.04.2026 | 23:38
Ովքեր են «Հանրապետություն» կուսակցության ցուցակում․ հրապարակվել են առաջին 30 անունները
Նոր նախագահի հետ կհամագործակցենք Փաշինյանի հրաժարականի հարցի քննարկման շրջանակներում. Մամիջանյան․ ՏԵՍԱՆՅՈՒԹ
Քաղաքականություն
02.03.2022 | 11:50
«Ոչ միայն ընդդիմությունն է բոյկոտել Հանրապետության նախագահի ընտրության գործընթացը, այլ Հայաստանում առհասարակ ցանկացած քաղաքական գործընթաց որոշվում է մեկ անձի կողմից»,- Ազգային ժողովում լրագրողների հետ զրույցում այս կարծիքը հայտնեց «Պատիվ ունեմ» խմբակցության քարտուղար Հայկ Մամիջանյանը։
«Այս մարդն ընտրվել է Փաշինյանի կողմից, աշխատելու է Փաշինյանի մոտ նախագահ։ Խաչատուրյանը Հանրայինի եթերում բառացի ասել է՝ ես այս քաղաքական թիմի անդամ եմ։ Վերկուսակցական արբիտր, անաչառություն, զսպումներ, հակակշռումներ՝ այս ամեն ինչը մոռացվում է այս նախադասությունից հետո։ Պաշտոնապես հայտարարել է, որ այս քաղաքական թիմի անդամ է, շարունակությունը բացարձակ կարևոր չէ»,- նշեց ընդդիմադիր պատգամավորը:
Մամիջանյանը նշեց, որ չի մտաբերում որևէ դեպք, որ Մարդու իրավունքների պաշտպանն ընտրվի միայն իշխող խմբակցության կողմից, ինչպես եղավ այս իշխանության ժամանակ. «Նա ոչ թե մարդու իրավունքների պաշտպանն է, այլ Փաշինյանի իրավունքների պաշտպանը։ Նույնը լինելու է նախագահի պարագայում»։
Մամիջանյանն ընդգծեց, որ ՀՀ նոր նախագահի հետ կհամագործակցեն միայն Փաշինյանի հրաժարականի հարցի քննարկման շրջանակներում: Նա հիշեցրեց՝ ընդդիմությունը հայտարարել է, որ գլխավոր նպատակն է Նիկոլ Փաշինյանի հրաժարականը:
«Եվ եթե այդ հրաժարականի համար ինչ-որ մի ձև անհրաժեշտ լինի ներգրավել նաև պարոն Խաչատուրյանի գործառույթները, դա սիրով կանենք։ Այ, ինքը պետք է որոշի՝ ուզում է պատմության ճի՞շտ, թե՞ սխալ կողմում լինել»,- նշեց Մամիջանյանը:
Մանրամասները՝ տեսանյութում:
