15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Առաջարկում են գնալ Արցախում ապրել, բայց որտե՞ղ. Արցախից տեղահանված բնակիչ․ ՏԵՍԱՆՅՈՒԹ
Հասարակություն
02.03.2022 | 11:33
Արցախից տեղահանվածներն ու փախստականները բողոքի ակցիա են իրականացնում Հայաստանում Արցախի Հանրապետության ներկայացուցչության մոտ՝ պահանջելով լուծել բնակարանային հարցը:
«Զոհվածների ընտանիքներին պետք է առաջնահերթ ապահովեն բնակարաններով»,- այս մասին լրագրողների հետ զրույցում նշեց բողոքի ակցիայի մասնակիցներից մեկը:
«Այս հարցը մենք բազմիցս բարձրաձայնել ենք, քանի որ մեր զոհվածների մեծ մասն այսօր Եռաբլուրում է գտնվում, իսկ իրենց ծնողները առհասարակ զրկված են բնակարաններից։ Այսինքն՝ հադրութցիների, Շուշիի բնակիչների մասին է հիմա խոսքը։
Այո՛, Արցախում իրոք որ մեծ թափով բնակարանաշինություն է տեղի ունենում, սակայն ինչ վերաբերվում է նախարարի կամ, ասենք, Արցախի նախագահի այն հայտարարություններին, թե վերջերս 300 բնակարանով ապահովել են, նման բան չկա, իսկապես չկա։ 108 բնակարան են բաժանել, մեծամասնությունն էլ բնականաբար զոհվածների ընտանիքներին։ Փաստեր կարող եմ ներկայացնել, որ այդ 108 բնակարաններում ապրում է միայն 10 ընտանիք։ Թվերը հստակ ճշտած են, ամենայն պատասխանատվությամբ եմ ասում։ Գնացել հարց եմ տվել, ասել եմ՝ բա մարդիկ խի չեն ապրում էդ տներում, ասում են՝ դե գազօջախ չկա, էս չկա, էն չկա ու տարբեր այլ պատճառաբանություններ։
Մեզ հիմա առաջարկում են գնալ Արցախում ապրել, բայց գնանք Արցախ որտե՞ղ ապրենք, եթե մեր տները հակառակորդի տիրապետության տակ են։ Իրականում ժողովուրդը բնակարաններով ապահովված չէ, մենք չենք կարող գնալ այնտեղ ապրել, բնակարանների հարցը, կրկնում եմ, շատ լուրջ է։ Հայաստանի իշխանությունները գցում են Արցախի վրա, Արցախօ իշխանությունները գցում են հայաստանի վրա։ Ասում են՝ գումար չկա»,- նշեց տեղահանված հադրութցին:
Մանրամասները՝ տեսանյութում:
