01.04.2025 | 23:14
Ապրիլ ամսվա եղանակի կանխատեսումը և կլիմայական բնութագիրը
ԵՐԵՎԱՆԻ ԺԱՄԱՆԱԿՈՎ. Պուտինը չի կարող իր ժողովրդին պահել «իզգոյ» վիճակում, չեն հանդուրժի. Հակոբ Մովսես. ՏԵՍԱՆՅՈՒԹ
Քաղաքականություն
27.02.2022 | 19:02
«Հարձակումը Ուկրաինայի վրա Ռուսաստանի չզարգացվածության, հետամնացության, հետադիմության արդյունքն է, որի դեմը ռուսական միտքն ու հոգին կարող է փակել»,- Factor TV-ի հետ զրույցում նման տեսակետ է հայտնում բանաստեղծ, թարգմանիչ Հակոբ Մովսեսը` անդրադառնալով Ուկրաինայի նկատմամբ Ռուսաստանի սանձազերծած պատերազմին: Նրա խոսքով` Ռուսաստանը շարունակում է իր հարցերը լուծել իրեն վարկաբեկող մեթոդներով.«Այս բացահայտ ագրեսիան, եղբայր ժողովուրդներից մեկին կուլ տալու ցանկությունը ռուս ժողովրդին ու մշակույթին հարիր չէ»,-ասում է Հակոբ Մովսեսը: Նրա համոզմամբ` Ռուսաստանի նախագահ Վլադիմիր Պուտինը աշխարհի կողմից կստանա իր քաղաքական, բարոյական, սոցիալական, տնտեսական պատասխանը. «Ռուս ժողովուրդը չի հանդուրժի, որ Ռուսաստանը դառնա «իզգոյ», Պուտինը չի կարող ժողովրդին պահել այդ վիճակում»:
Ինչ վերաբերում է Հայաստանին` բանաստեղծը վստահ է, որ մենք պետք է մարդասիրություն ցուցաբերենք, ոչ թե չեզոքություն, պետք է ցանկանանք, որ այս կոնֆլիկտը արագ լուծվի, երկու կողմից էլ զոհեր չլինեն. «Կուզենայի խելամիտ լինեինք և խուսափեինք փորձանքներից, իսկ շնաձկներից փրկվելու համար հարկավոր է նավ բարձրանալ: Եթե չկարողանանք պետություն կառուցել, վա՛յ մեզ»:
Հակոբ Մովսեսը խոսում է նաև մեր ներքին քաղաքական և աշխարհայացքային խնդիրների, առաջնահերթությունների մասին. «Լավ կլինի ծովից ծով Հայաստանի փոխարեն Աշոցքից Մեղրի Հայաստանի մասին մտածենք, իսկ Արցախի հարցում մենք պետք է ոչ թե հայրենասիրական, այլ քաղաքագիտական մոտեցումներ ու գիտելիքներ հանդես բերենք, որպեսզի հաջորդ ապտակը չուտենք»:
Մանրամասները` տեսանյութում:
Աննա Բաբաջանյան
