09.02.2026 | 19:28
Վենսն ու Փաշինյանը ստորագրեցին միջուկային էներգիայի խաղաղ օգտագործման շուրջ համատեղ հայտարարություն. ՏԵՍԱՆՅՈՒԹ
Կոռումպացված դատավորների ցանկում չկամ. Արշակ Վարդանյան․ ՏԵՍԱՆՅՈՒԹ
Հասարակություն
25.02.2022 | 15:26
«Այնպիսի հարց էր, որ բոլոր դատավորները պարտավոր էին գալ։ Օրենքով պարտականություն է դրված բոլոր դատավորների վրա՝ մասնակցել ընդհանուր ժողովի նիստերին։ Թե ինչո՞ւ չեն եկել, այ դա է հետաքրքիր»,- լրագրողների հետ զրույցում այս մասին ասաց Վերաքննիչ քրեական դատարանի դատավոր Արշակ Վարդանյանը՝ խոսելով դատավորների արտահերթ ժողովի մասին, որը քվորում չլինելու պատճառով չկայացավ։
Անդրադառնալով օրեր առաջ արդարադատության նախարար Կարեն Անդրեասյանի այն մտքին, թե Հայաստանում մոտ 80 կոռումպացված դատավոր կա, և հարցին՝ արդյո՞ք ինքն իրեն այդ ցուցակում պատկերացնում է, Վարդանյանը բացասական պատասխան տվեց։
«Ցանկը ծանոթ չէ։ Նշված չէ, թե ինչ չափանիշներով է ցուցակը կազմվել՝ քաղաքակա՞ն, թե՞ գումարային կոռուպցիայի մասին է խոսքը, ոչինչ չկա։ Կոռումպացվածության առումով՝ հաստատ այդ ցուցակի մեջ չեմ մտնի ես»,- ասաց դատավորը։
Մանրամասները՝ տեսանյութում։
