01.03.2026 | 16:41
ՌԴ քաղաքացիները կարող են Իրանից Ռուսաստան վերադառնալ Հայաստանի տարածքով․ ՀՀ-ում ՌԴ դեսպանություն
Ինչո՞ւ են կասեցվում դատապարտյալների խրախուսանքները․ պարզաբանում է Դատախազությունը․ ՏԵՍԱՆՅՈՒԹ
Հասարակություն
16.02.2022 | 13:02
«Դատախազական վերահսկողությո՞ւն, թե՞ հետապնդում» թեմայով քննարկման ժամանակ խնդիր բարձրացվեց այն մասին, որ բազմաթիվ են դեպքերը, երբ դատապարտյալների նկատմամբ խրախուսանքները կասեցվում են դատախազության կողմից:
Նշենք, որ 2021-ին դատապարտյալների նկատմամբ կիրառվել է 1827 տույժ և ընդամենը 17 խրախուսանք:
Գլխավոր դատախազության պատիժների և հարկադրանքի այլ միջոցների կիրառման օրինականության նկատմամբ հսկողության վարչության պետ Լևոն Չարխիֆալակյանը նշեց, որ դատախազությունն իր սահմանադրական լիազորությունների իրականացման շրջանակներում 2021թ. խրախուսանքի և տույժի միջոցներ կիրառելու նկատմամբ վերահսկողություն իրականացնելու ոլորտում ստուգել է որոշումների օրինականությունը, կասեցվել է խրախուսանք կիրառելու մեկ որոշում, և տույժ կիրառելու մեկ որոշում:
«Մյուս տույժերն ու խրախուսանքները, որ կատարվել են ՔԿՀ պետերի կողմից, դատախազության կողմից համարվել են օրինաչափ, օրինական: Խրախուսանքի միջոց կիրառելու որոշումը կասեցվել է այն հիմնավորմամբ, որ այն չի համապատասխանել գործող օրենսդրական կարգավորումներում տրված բնորոշումներին:
Մենք դեմք չենք, որ դատապարտյալների հետ տեսակցությունների թիվն ավելանա, բայց միայն հարգալից, օրինապահ վարքագծի դրսևորումը չի կարող գնահատվել որպես դրական վարքագիծ և դրանից բխեցնել դատապարտյալի նկատմամբ խրախուսանքի միջոց կիրառելը»,- պարզաբանեց Չարխիֆալակյանը:
Մանրամասները՝ տեսանյութում:
