06.10.2026 | 17:26
ԱՀԿ-ն հաստատել է՝ Հայաստանը հասել է հեպատիտ B-ի վերահսկման թիրախներին
1827 տույժ և ընդամենը 17 խրախուսանք՝ 1 տարվա ընթացքում․ սա նորմալ չէ․ Ռոբերտ Ռևազյան. ՏԵՍԱՆՅՈՒԹ
Հասարակություն
16.02.2022 | 12:36
«Օրենսդրական լուրջ խնդիրներ կան. 2019թ. վիճակագրության համաձայն, բոլոր ՔԿՀ-ներում դատապարտյալների նկատմամբ ընդհանուր առմամբ կիրառվել է մոտ 90 խրախուսանք, 2200 տույժ: Այսինքն՝ մոտ 40-50 անգամ տույժերը գերազանցել են խրախուսանքներին: Դա նորմալ չէ»,- «Դատախազական վերահսկողությո՞ւն, թե՞ հետապնդում» թեմայով քննարկման ժամանակ այս մասին նշեց ՀՀ ԱՆ ՔԿՀ-ներում հասարակական վերահսկողություն իրականացնող հասարակական դիտորդների խմբի իրավաբան Ռոբերտ Ռևազյանը:
Նրա խոսքով՝ 2021-ին դատապարտյալների նկատմամբ կիրառվել է 1827 տույժ և ընդամենը 17 խրախուսանք՝ այսինքն՝ ավելի քան 100 անգամ տույժերը գերազանցել են խրախուսանքներին:
«Սա արդյունքն է այն բանի, որ դատախազությունը խրախուսանքի ամեն մի միջնորդության ժամանակ միկրոսկոպի զննության տակ է դնում և ծառայողական քննություն է կասեցնում, որպեսզի այդ խրախուսանքները չլինեն»,- նշեց Ռևազյանը:
Մանրամասները՝ տեսանյութում:
