06.10.2026 | 18:19
Բայրամովն ԱՄՆ հատուկ ներկայացուցչի ավագ խորհրդականի հետ քննարկել է TRIPP-ը
Շփոթմունք է․ Միրզոյանը՝ Անթալիայի միջոցառմանը Փաշինյանի մասնակցության մասին. ՏԵՍԱՆՅՈՒԹ
Քաղաքականություն
09.02.2022 | 17:59
«Հույս ունենք, որ այս անգամ արդեն առարկայական քննարկումներ կսկսվեն երկու հատուկ ներկայացուցիչների միջև, քննարկումներ՝ ուղղված Հայաստան-Թուրքիա սահմանների բացմանը և դիվանագիտական հարաբերությունների հաստատմանը»,- այս մասին ԱԺ-Կառավարություն հարցուպատասխանի ժամանակ ասաց ՀՀ արտաքին գործերի նախարար Արարատ Միրզոյանը՝ անդրադառնալով Հայաստանի և Թուրքիայի հատուկ բանակցողների միջև արդեն տեղի ունեցած ճանաչողական հանդիպումից հետո՝ փետրվարի 24-ին նախատեսված երկրորդ հանդիպման վերաբերյալ հարցին:
«Պաշտոնական Անկարայից այս մասին եկող ազդակները, ուղերձները, ակնարկներն առավելապես դրական կոնտեքստի մեջ են, և մեր ակնկալիքներն էլ այդպիսին են»,- նշեց նա:
Անդրադառնալով ՀՀ վարչապետ Նիկոլ Փաշինյանի հնարավոր մասնակցությանը մարտին Անթալիայում կայանալիք դիվանագիտական ֆորումին՝ Միրզոյանը նշեց, որ վարչապետի մասնակցության հարցը չի քննարկվել և չի քննարկվում:
«Շփոթմունք է առաջացել, ինչը, թերևս սխալ թարգմանության հետևանք է… Հրավեր ուղարկվել է իմ և Ռուբեն Ռուբինյանի առումով. որոշում իսկապես չկա. որոշումը մեծապես կախված կլինի նաև փետրվարի 24-ին կայանալիք Վիեննայի հանդիպման արդյունքներից»,- նշեց Արարատ Միրզոյանը:
Մանրամասները՝ տեսանյութում:
