06.10.2026 | 21:16
Ավանեսյանը այցելել է Շաքիում վիրավորված Անի Ավետիսյանի ընտանիքին
Խաչատուր Սուքիասյանը՝ Տեր-Պետրոսյանի քննադատության մասին. ՏԵՍԱՆՅՈՒԹ
Քաղաքականություն
17.01.2022 | 12:30
«Ես շատ հարգում եմ առաջին նախագահ Լևոն Տեր-Պետրոսյանին, նրա հայտարարությունը համարում եմ քաղաքական հայտարարություն»,- այս մասին, այսօր ԱԺ-ում լրագրողների հետ զրույցում նշեց ԱԺ «Քաղաքացիական պայմանագիր» խմբակցության պատգամավոր, գործարար Խաչատուր Սուքիասյանը՝ անդրադառնալով ՀՀ առաջին նախագահի նախօրեին արած հայտարարությանն այն մասին, որ իշխանությունը և ընդդիմությունը չեն սպասարկում պետական շահը, ինչը կարող է բերել նորանոր աղետների:
«Նա շատ-շատ քաղաքական հայտարարություններ է արել, իր կարծիքն ու տեսակետն ունի, Լևոն Տեր-Պետրոսյանը երկար ժամանակ չի կառավարում ՀՀ-ն , բայց քաղաքական հայտարարությունների իրավունքը միշտ ունեցել է և ունի: Շատ լավ մտքի տեր մարդ է, բայց իր հայտարարությունը համարում եմ քաղաքական»,- նշեց Սուքիասյնաը՝ հավելելով, որ չի կարող ասել, թե որն է այդ հայտարարության նպատակը:
«Ընդհանրապես, ցանկացած փորձ ունեցող մարդու մտքերը պետք է բոլորի համար հետևության առիթ և նյութ դառնան»,- ասաց Սուքիասյանը:
Դիտարկմանը, որ Լևոն Տեր-Պետրոսյանի իշխանության տարիներին ընտրությունները կեղծվել են և կեղծիքներով է իշխանությունը պահել, պատգամավորն արձագանքեց. «Ես իրավական համակարգում չեմ եղել, իմ կարծիքը չի կարող ճշգրիտ լինել: Դա կարող են ասել այն մարդիկ, որոնք կա՛մ քաղաքական համակարգում են եղել, կա՛մ իրավական»:
Մանրամասները՝ տեսանյութում:
