05.04.2026 | 10:35
Մահացել է Զորի Բալայանը
Արամ Հարությունյանի ապօրինի հարստացման գործը դատարանում է
Հասարակություն
13.01.2022 | 11:42
Բնապահպանության նախկին նախարար Արամ Հարությունյանի ապօրինի հարստացման գործը դատարանում է․ այն մակագրվել է Երևան քաղաքի ընդհանուր իրավասության դատարանի դատավոր Հովիկ Շահնազարյանին։ Այս մասին Factor.am-ը տեղեկանում է «Դատալեքս» դատական-տեղեկատվական համակարգից։
Այս գործով անցնում են Արամ Հարությունյանը, նրա կինը՝ Հասմիկ Աբգարյանը և ընտանիքի հետ փոխկապակցված Արշակ Ջավադյանը:
Գլխավոր դատախազությունը հայցադիմումով պահանջում է հօգուտ պետության՝ բռնագանձում իրականացնել, սակայն, թե ինչ գույքի և գումարի մասին է խոսքը, գերատեսչությունը չի մանրամասնում։
Նշենք, որ սա ապօրինի ծագում ունեցող գույքի բռնագանձման՝ դատարան ուղարկված երրորդ գործն է: Մինչև այդ պատասխանողի աթոռին են հայտնվել ՀՀ նախկին ոստիկանապետ Վլադիմիր Գասպարյանը և Ազգային անվտանգության ծառայության նախկին պաշտոնյա Սերոբ Հարությունյանը։
Ռոզա Վարդանյան
