23.11.2024 | 11:23
Արտարժույթների փոխարժեքները՝ նոյեմբերի 23-ի դրությամբ
Պատերազմի ավարտից ի վեր ՀՀ կառավարությունը 2 տասնյակ ծրագրեր է իրականացրել արցախահայության համար․ ՏԵՍԱՆՅՈՒԹ
Հասարակություն
27.12.2021 | 11:29
ՀՀ-ն շարունակում է մնալ Արցախի Հանրապետության սոցիալական անվտանգության հիմնական երաշխավորը, և պատերազմի ավարտից ի վեր ՀՀ կառավարությունը իրականացրել է շուրջ 2 տասնյակ տարբեր ծրագրեր Արցախի և արցախահայության համար: Այս մասին այսօր հրավիրված ասուլիսի ընթացքում հայտարարեց ՀՀ աշխատանքի և սոցիալական հարցերի նախարար Նարեկ Մկրտչյանը:
«Մեր հայրենակիցների ավելի քան 80 տոկոսն արդեն վերադարձել է Արցախ։ Բնականաբար, մի հատված դեռ շարունակում է մնալ Հայաստանում։ Նրանք մեր ուշադրության կենտրոնում են։ Աջակցության ծրագրերը տարբեր են եղել՝ սկսած հայտնի 68000 դրամների սոցիալական աջակցությունից, որը տրվել է քառամսյա ժամկետով։
Ադրբեջանի վերահսկողության տակ անցած բնակավայրերի քաղաքացիներին տրվել է աջակցություն, պատերազմական գործողությունների հետևանքով բոլոր այն անձանց, որոնց բնակարանները վնասվել են, նրանց նույնպես տրվել է աջակցություն, պատերազմի ընթացքում հաշմանդամություն ստացածներին է տրվել աջակցություն»,- նշեց Մկրտչյանը։
Նախարարը նշեց, որ աջակցության ծրագրերին զուգահեռ պետք է խրախուսվի աշխատանքի ու զբաղվածության հարցը։ Նրա խոսքով՝ արցախցիների համար գործում է զբաղվածության երկու ծրագիր։
Միաժամանակ նախարարը տեղեկացրեց, որ 2022 թվականին նոր ծրագրեր են լինելու, դրանց մասին կհայտարարվի հաջորդ տարվա առաջին եռամսյակում։
Մանրամասները՝ տեսանյութում:
