Քաղաքականություն
22.12.2021 | 15:06
Երևանի ավագանու նիստը, որի օրակարգում է Հայկ Մարությանին անվստահություն հայտնելը և Հրաչյա Սարգսյանին քաղաքապետի պաշտոնում ընտրելու նախագծերը, վերսկսվեց շուրջ մեկ ժամ ուշացումով։ Ընդմիջումից հետո քաղաքապետ Հայկ Մարությանը չվերադարձավ նիստը վարելու։ Ավագանու անդամները 30 րոպե սպասելուց հետո արձանագրություն կազմեցին, որ քաղաքապետը չի վերադառնում նիստերի դահլիճ։ Այնուհետ Երևան քաղաքի ավագանու կանոնակարգի համաձայն որոշվեց, որ նիստը վարելու է տարիքով ավագ ավագանու անդամը։
Քիչ անց կմեկնարկի քվեարկությունը, որով կորոշվի Մարությանի պաշտոնանկության հարցը։ Հիշեցնենք, Երևանի քաղաքապետին անվստահություն հայտնելու գործընթացը նախաձեռնել էր իշխող «Իմ քայլը» խմբակցությունը։
Նարեկ Կիրակոսյան
