19.12.2025 | 21:41
Հայաստանը Ժնևում քննարկել է փախստականների խնդիրների հասցեագրման իր մոտեցումները
Իրանում կորոնավիրուսի «օմիկրոն» շտամով վարակման առաջին դեպքն է գրանցվել
Քաղաքականություն
19.12.2021 | 19:36
Իրանի մայրաքաղաքում գրանցվել է կորոնավիրուսի «օմիկրոն» շտամով վարակման առաջին դեպքը: Այդ մասին կիրակի օրը հայտարարել է Իրանի առողջապահության նախարարությանը կից վարակիչ հիվանդությունների բուժման կենտրոնի ղեկավար Մոհամադ Մեհդի Գույան:
Ավելի ուշ Իսլամական Հանրապետության առողջապահության նախարարության հասարակայնության հետ կապերի կենտրոնի ղեկավարը նաև նշել է, որ կիրակի օրն արտակարգ նիստի ընթացքում, բացի երկրում «օմիկրոնով» վարակման առաջին դեպքը հաստատելուց, նիստի մասնակիցները քննարկել են նաև սանիտարահամաճարակաբանական նոր միջոցառումների մշակումը:
Ավելի վաղ Առողջապահության համաշխարհային կազմակերպությունն արտահերթ նիստի արդյունքներով որոշում էր կայացրել ՀԱՀ-ում հայտնաբերված կորոնավիրուսի նոր տարբերակը դասակարգել որպես անհանգստություն առաջացնող:
ԱՀԿ-ի տվյալներով ՝ ընդհանուր գլոբալ ռիսկը, որը կապված է կորոնավիրուսի «օմիկրոն» շտամի տարածման հետ, գնահատվում է որպես շատ բարձր, դրա հետագա տարածման հավանականությունն ամբողջ աշխարհում նույնպես բարձր է:
