26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Թուրքիայում տնտեսական ճգնաժամի և գնաճի ֆոնին՝ դպրոցներում սկսել են հացը կտրատած վաճառել
Քաղաքականություն
17.12.2021 | 22:36
Թուրքիայի հարավարևելյան Գազիանթեփ նահանգում գլխավոր ընդդիմադիր Ժողովրդահանրապետական կուսակցությունից քաղաքային խորհրդի անդամ Ուղուր Քալքանը հայտնել է, որ քաղաքի դպրոցներում մեկում սիմիթը (հացի տեսակ) վաճառում են կտրատած, գրում է «Ահվալ» գործակալությունը։
Դպրոցի ճաշարանում սկսել են կտրատած հաց վաճառել, քանի որ վերջին ամիսներին թե՛ ալյուրը, թե՛ քունջութը թանկացել են։
«Ցավոք, նրանք կիսել են սիմիթները։ Հավանական է, որ հացաբուլկեղենի խանութները սկսեն հացերի կեսը վաճառել երկրի շատ հատվածներում»,- թվիթերյան իր էջում գրել է Քալքանը։
Նշվում է, որ փողոցային սնունդը հաճախ օգտագործվում է որպես մարդկանց գնողունակության ցուցանիշ, սակայն լիրայի արժեզրկման պատճառով այն զգալի նվազել է։
Թուրքական լիրան շարունակում է արժեզրկվել, որի հերթական ռեկորդը գրանցվեց նախօրեին, երբ այն անցավ մեկ դոլարի դիմաց15 լիրայի շեմը։ Այսօր էլ այն արդեն գերազանցել է 16 լիրայի ցուցանիշը՝ մոտենալով 17-ին։
Նոյեմբերին էլ տարեկան գնաճը ըստ պաշտոնական տվյալների՝ հասավ 20․7 տոկոսի, պարենային ապրանքների գնաճը՝ 27․1 տոկոսի։ Գնաճի հետևանքով՝ մարդիկ երկրի տարբեր քաղաքներում տեղական իշխանությունների կողմից իրականացվող ծրագրի շրջանակում էժան հացի կրպակների մոտ ժամերով հերթ են կանգնում, հերթերի լուսանկարներն ու տեսանյութերն էլ պարբերաբար հայտնվում են համացանցում։
Հացի գինը շարունակում է թանկանալ, և էժան հացի կրպակները մարդկանց համար դառնում են շատ դեպքերում դրա ձեռքբերման միակ տարբերակը։ Օրինակ՝ Ստամբուլում, որտեղ հացաբուլկեղենի խանութները հացը վաճառում են 3․5-4 լիրայով, էժան կրպակներում, որոնք կոչվում են Halk Ekmek, 1․25 լիրայով։
Էմմա Չոբանյան
