14.09.2026 | 10:46
Օմանը հետաձգել է Հորմուզի նեղուցի շուրջ Իրանի և տարածաշրջանի երկրների հետ բանակցությունները
Ալիևը ՌԴ փոխվարչապետի հետ քննարկել է երկկողմ օրակարգի և Հարավային Կովկասում հաղորդակցությունների ապաշրջափակման հարցեր
Քաղաքականություն
17.12.2021 | 12:39
Ադրբեջանի նախագահ Իլհամ Ալիևն այսօր Բաքվում ընդունել է ՌԴ փոխվարչապետ Ալեքսեյ Օվերչուկին, գրում են տեղական լրատվամիջոցները։
Նշվում է, որ քննարկվել են երկկողմ տնտեսական համագործակցության ընդլայնման, Հարավային Կովկասում հաղորդակցությունների ապաշրջափակման հարցերը։
«Հանդիպմանը տեղի է ունեցել կարծիքների փոխանակում ռուս-ադրբեջանական հարաբերությունների զարգացման հեռանկարների շուրջ, նշվել է, որ Ադրբեջանի և Ռուսաստանի միջև հարաբերությունները զարգանում են բոլոր ոլորտներում։ Հատկապես նշվել է առևտրաշրջանառության աճը։ Միաժամանակ, ընդգծվել է լավ ներուժի առկայությունը տնտեսական համագործակցության ավելի մեծ ընդլայնման համար»,- ասվում է Ադրբեջանի նախագահականի տարածած հաղորդագրության մեջ։
Զրուցակիցները նշել են, որ Օվերչուկի այս այցը թույլ է տալիս քննարկել 2021 թվականի տնտեսական համագործակցության արդյունքները։
«Հանդիպման ընթացքում կողմերն անդրադարձել են Հայաստանի, Ռուսաստանի ու Ադրբեջանի փոխվարչապետների եռակողմ հանձնաժողովի գործունեության թեմային, տարածաշրջանում հաղորդակցությունների բացմանը ու այլ հարցերի»,-ասվում է հաղորդագրության մեջ։
Հավելենք, որ Օվերչուկը նախօրեին Բաքվում մասնակցել է «Ռուս-ադրբեջանական հարաբերությունների ներկա վիճակը և հեռանկարները ինտեգրված գործընթացների համատեքստում» համաժողովին։
Էմմա Չոբանյան
