17.12.2025 | 21:22
Արագածոտնի թեմը վաղվա պատարագը տեղափոխում է Մայր Աթոռ. այն կկայանա նույն ժամին, ինչ 10 եպիսկոպոսների հայտարարած հավաքն է
ԵՄ առաջնորդները կհայտարարեն սահմանների անձեռնմխելիության սկզբունքը հարգելու անհրաժեշտության մասին
Քաղաքականություն
16.12.2021 | 13:19
Բրյուսելի գագաթնաժողովում Եվրամիության առաջնորդները կհայտարարեն Ուկրաինայի շուրջ ստեղծված իրավիճակի ֆոնին սահմանների անձեռնմխելիության սկզբունքի պահպանման անհրաժեշտության մասին։ Այս մասին հայտարարել է Գերմանիայի կանցլեր Օլաֆ Շոլցը, գրում է ՌԻԱ Նովոստին։
«Քննարկվելու է նաև Ուկրաինայի ծանր իրավիճակը, այն հարցը, թե ինչ անել սահմանի երկայնքով զորքերի տեղաշարժի հետ, ուստի այսօր մենք կրկին շեշտելու ենք, որ սահմանների անձեռնմխելիությունը Եվրոպայում խաղաղության կարևորագույն սկզբունքներից է, որ մենք միասին կանենք ամեն ինչ՝ այդ անձեռնմխելիությունը գործնականում պահպանելու համար»,- Բրյուսելում ԵՄ առաջնորդների գագաթնաժողովից առաջ ասել է Շոլցը լրագրողներին։
Կիևը և արևմտյան երկրները վերջերս բազմիցս մեղադրել են Մոսկվային Ուկրաինայի սահմանների մոտ ագրեսիվ գործողությունների մեջ։
ՌԴ նախագահի մամուլի քարտուղար Դմիտրի Պեսկովը հայտարարել է, որ Ռուսաստանը զորքերը տեղափոխում է իր տարածքում և իր հայեցողությամբ։ Պեսկովի խոսքով՝ դա ոչ մեկին չի սպառնում և չպետք է անհանգստացնի ոչ մեկին։
Տաթև Ֆռանգյան
