14.09.2026 | 10:21
Ուկրաինական ԱԹՍ-ները հարձակվել են Կրասնոդարի երկրամասի վրա․ Սոչիում հինգ մարդ է վիրավորվել
Ասոցացված եռյակի անդամները հավանություն են տվել ԵՄ հռչակագրին
Քաղաքականություն
16.12.2021 | 13:34
Ասոցացված եռյակի երկրների՝ Ուկրաինայի, Մոլդովայի և Վրաստանի ղեկավարները ողջունել են Արևելյան գործընկերության գագաթնաժողովի ամփոփիչ հռչակագիրը։ Այս մասին ասված է նրանց համատեղ հայտարարության մեջ, գրում է korrespondent-ը։
Հաստատելով երկարաժամկետ քաղաքական նպատակները և 2020 թվականից հետո առաջնահերթությունների նոր ցանկը՝ վերահաստատում ենք մեր հաստատակամ հավատարմությունը Արևելյան գործընկերության ռազմավարական, հավակնոտ և հեռատես քաղաքականությանը՝ հիմնված ընդհանուր հիմնարար արժեքների, փոխադարձ շահերի, ընդհանուր սեփականության 7 պատասխանատվություն վրա»,- ասվում է փաստաթղթում։
Հայտարարության կողմնակիցներն ընդգծել են, որ անհրաժեշտ է ամրապնդել ԵՄ ասոցացված եռյակի համագործակցությունը, որը նրանք ստեղծել են ընդհանուր հետաքրքրություն ներկայացնող հարցերի շուրջ՝ «կանաչ» և թվային անցումներ, կապակցվածություն, էներգետիկ անվտանգություն, արդարադատություն և ներքին գործեր, ռազմավարական հաղորդակցություն և առողջապահություն։
Փաստաթղթում նաև նշվում է, որ «Ռուսաստանի կողմից անեքսիայի փորձերը և Վրաստանի տարածքների անօրինական օկուպացումը, նրա ագրեսիան Արևելյան Ուկրաինայում և Ղրիմի ժամանակավոր օկուպացիան, ինչպես նաև Մերձդնեստրի չլուծված հակամարտությունը լուրջ վտանգ են ներկայացնում երկրի տարածաշրջանի և ամբողջ Եվրոպայի համար»։
Տաթև Ֆռանգյան
