14.10.2026 | 22:58
Ֆրանսիայի ԱԳ նախարարն Ադրբեջանին մեղադրել է ֆրանիսական Նոր Կալեդոնիայի գործերին միջամտելու մեջ․ Բաքուն արձագանքել է
Քաղաքական կամքի դիֆիցիտ չի լինի. ԱԳ փոխնախարարը՝ ԵՄ համաձայնագրի իրականացման մասին
11.04.2018 | 10:53
ՀՀ արտաքին գործերի փոխնախարար Կարեն Նազարյանը պնդում է՝ որևէ մտավախություն չկա, որ ՀՀ-ԵՄ համաձայանգիրը ժամանակին չի վավերացվի ԵՄ անդամ երկրների կողմից։ «ԵՄ անդամ երկրներում վավերացման գործընթացը ընթացքի մեջ է ու շուտով տեղեկություն կստացվի տարբեր մայրաքաղաքներում այդ ուղղությամբ ձեռնարկվող քայլերից»,- մանրամասնեց Նազարյանը։ Անդրադառնալով երեկ խորհրդարանում մի շարք պատգամավորների կողմից հնչած մտավախություններին, որ համաձայնագրի դրույթների իրականացման համար քաղաքական կամք է անհրաժեշտ, Նազարյանն ընդգծեց. «Կարծում եմ՝ քաղաքական կամքի դիֆիցիտ չի լինի»։ Փոխնախարարն անդրադարձավ նաև Ղարաբաղյան հակամարտությանն առնչվող դրույթների՝ նշելով. «Համաձայնագիրը ունի պարտադիր իրավական ուժ կողմերի համար։ Դրանում հստակ ԼՂ համակարտության վերաբերյալ կոմղերի հանձնառությունն է ամրագրված։ Մեծապես հույս ունեմ, որ այդ առումով ԵՄ կողմից շեղումներ չեն լինի»։
