07.11.2024 | 17:19
Էկոպարեկային ծառայության վերազինման համար նախատեսված է միջազգային գործընկների կողմից ներդրում․ ՏԵՍԱՆՅՈՒԹ
Պուտինը պատմել է, թե ինչպես է 90-ականներին տաքսի վարել՝ հավելյալ գումար վաստակելու համար
Քաղաքականություն
13.12.2021 | 18:21
ՌԴ նախագահ Վլադիմիր Պուտինն առաջին անգամ պատմել է, որ 1990-ականներին ստիպված է եղել հավելյալ գումար վաստակել՝ տաքսի վարելով։ Ավելի վաղ ՌԴ ղեկավարը հայտարարել էր, որ նման աշխատանքի մասին մտածել է այն բանից հետո, երբ 1996 թվականին Սանկտ Պետերբուրգի քաղաքապետ Անատոլի Սոբչակը չի կարողացել վերընտրվել քաղաքի ղեկավարի պաշտոնում։ Այդ ժամանակ Պուտինը գլխավորել է նրա նախընտրական շտաբը: Արդյունքում Սոբչակի պարտությունից հետո ապագա նախագահը Սանկտ Պետերբուրգից տեղափոխվել է Մոսկվա՝ աշխատելու, գրում է «Գազետա»-ն։
Պուտինն իր հիշողություններով կիսվել է «Ժամանակակից պատմություն» ֆիլմում, հարցազրույցից մի հատված հրապարակել է «Ռոսիա 24» հեռուստաալիքը։
«Երբեմն ես ստիպված էի լրացուցիչ գումար վաստակել որպես տաքսու վարորդ։ Տհաճ է այդ մասին խոսելը, բայց, ցավոք, այդպես էլ եղել է»,- ասել է Պուտինը։
Ավելի վաղ ՌԴ նախագահը պատմել էր, որ 90-ականներին Սանկտ Պետերբուրգի քաղաքապետարանում աշխատելու ժամանակ վարել է Nissan մակնիշի ավտոմեքենա։
«Դա, իհարկե, այնքան էլ բարդ մեքենա չէր, բայց ինձ շատ էր դուր գալիս», – խոստովանել է նա:
Տաթև Ֆռանգյան
