Քաղաքականություն
13.12.2021 | 13:33
ԱՄՆ նախագահ Ջո Բայդենը Կենտուկի նահանգում բնական աղետ է հայտարարել սաստիկ տորնադոների և փոթորիկների պատճառով և հրամայել դաշնային օգնություն հատկացնել նահանգի բնակիչներին, հայտնում է Սպիտակ տունը։
«Նախագահ Ջոզեֆ Բայդենը հայտարարել է Կենտուկիում զանգվածային աղետի մասին և հրամայել դաշնային օգնություն տրամադրել՝ որպես համալրում նահանգային և տեղի իշխանությունների վերականգնողական աշխատանքներին ուժեղ փոթորիկներից, մրրկային քամիներից, ջրհեղեղներից և պտտահողմերից տուժած տարածքներում, սկսած 2021 թվականի դեկտեմբերի 10-ից»,- ասվում է Սպիտակ տան հայտարարության մեջ։
Դաշնային օգնությունը կարող է ներառել ծրագրեր՝ աջակցելու քաղաքացիներին և ձեռնարկություններին աղետների վերականգնման ժամանակ, ներառյալ՝ դրամաշնորհներ ժամանակավոր կացարանների համար և ցածր տոկոսադրույքով վարկերի տրամադրում՝ գույքի կորուստները փոխհատուցելու համար:
ԱՄՆ Կենտուկի նահանգում շաբաթ գիշերը մոլեգնած տորնադոյի հետևանքով ավելի քան 80 մարդ է զոհվել, տարերքի զոհերի ընդհանուր թիվը ԱՄՆ-ում գերազանցել է 90-ը: Կենտուկիի նահանգապետ Էնիդի Բեշիրը հնարավոր է համարում, որ զոհերի թիվը կարող է գերազանցել 100-ը:
Հաղորդվում է, որ վերվել են բազմաթիվ տներ և ձեռնարկություններ։ Բացի այդ, տասնյակ մարդիկ անհետ կորած են համարվում Կենտուկի նահանգի Մեյֆիլդ փոքրիկ քաղաքում մոմի գործարանի փլուզումից հետո:
Տաթև Ֆռանգյան
