Քաղաքականություն
12.12.2021 | 13:57
Շաբաթվա սկզբին տեղի են ունեցել Ռուսաստանի և Միացյալ Նահանգների առաջնոդներ Վլադիմիր Պուտինի և Ջո Բայդենի առցնանց բանակցությունները։ Գլխավոր թեման ռուս-ուկրաինական սահմանում եղած լարվածությունն էր, որը սրել է Արևմուտքի՝ ՆԱՏՕ-ի և Ռուսաստանի միջև հարաբերությունները։
Factor.am–ը ամերիկացի վերլուծաբան Փոլ Գոբլի հետ զրուցել է երկու գերտերությունների ղեկավարների հանդիման արդյունքներից և ԱՄՆ նախագահ Ջո Բայդենի վարչակազմի կողմից օրերս կազմակերպած «Հանուն ժողովրդավարության» համաժողովից։
–Պարոն Գոբլ, շաբաթվա սկզբին տեղի ունեցան առցանց բանակցություններ Ռուսաստանի և Միացյալ Նահանգների նախագահներ Վլադիմիր Պուտինի և Ջո Բայդենի միջև։ Այն տեղի ունեցավ ռուս-ուկրաինական սահմանին իրավիճակի սրման արդյունքում։ Հանդիպումից հետո Պուտինը հայտարարեց, որ Մոսկվան անվտանգության հարցերի վերաբերյալ առաջարկներ կպատրաստի և կփոխանցի ԱՄՆ-ին։ Բայդենն ասաց է, որ զգուշացրել է Պուտինին՝ Ռուսաստանը խնդիրներ կունեն, եթե Ուկրաինա ներխուժում լինի։ Ձեր կարծիքով՝ ինչպիսի՞ն էին բանակցությունները։ Ի՞նչ է ստացել դրանց արդյունքում կողմերից յուրաքանչյուրը։
-Բայդենը նախազգուշացում արեց, բայց Պուտինը ստացավ այն, ինչ ուզում էր՝ խորհրդակցություններ և ամերիկյան խոստում՝ հաշվի առնել Ռուսաստանի տեսակետները ՆԱՏՕ-ի վերաբերյալ, մի բան, որը Կրեմլը կդիտի որպես իրական զիջում:
-Ձեր կարծիքով, իրականում ի՞նչ են ուզում կողմերը։ Ի՞նչ կարող են ստանալ՝ հաշվի առնելով ներկայիս միտումը։
-Բայդենը ցանկանում էր զգուշացնել Պուտինին և Ուկրաինային սպառնացող վտանգը կանխել. Պուտինը ցանկանում էր ստիպել Արևմուտքին խոսել իր հետ Ուկրաինայի մասին և բաց պահել իր տարբերակներն այնքան ժամանակ, որքան դրա մասին կխոսեն
-Հաշվի առնելով Ուկրաինայի սահմաններին խնդիրները՝ կարելի՞ է ասել, որ Արմուտքն այժմ շատ ավելի համախմբված է։ Որքա՞ն հեռու կարող է ՆԱՏՕ-ն գնալ այս իրավիճակում։
-Արևմուտքն այժմ շատ ավելի միասնական է, քան դա եղել է հենց ռուսական ագրեսիայի ժամանակ: Բայդենը Պուտինին հասկացրեց, որ որքան ագրեսիվ դառնա Ռուսաստանը, այնքան ավելի միասնական կլինի Արևմուտքը։
-Պուտին-Բայդեն բանակցություններում քննարկվել են անվտանգության հարցեր։ Մեր տարածաշրջանում այժմ նույնպես լարված իրավիճակ է։ Դուք հնարավոր համարու՞մ եք, որ բանակցություններում քննարկվել է նաև Ղարաբաղյան հակամարտությունը։ Ձեր կարծիքով, ինչպիսի՞ն կարող է լինել կողմերի դիրքորոշումն այս հարցում։
-Չեմ կարծում, որ այս անգամ հայ-ադրբեջանական հարցը քննարկվել է, բայց, իհարկե, ցանկացած բան, որը հուշում է Արևմուտքի նկատմամբ հավատարմության կամ դրա բացակայության մասին, կազդի Մոսկվայի գործողությունների վրա բոլոր տարածաշրջաններում:
-«Հանուն ժողովրդավարության» գագաթնաժողովը, որը այս օրերին կազմակերպել էր Բայդենի վարչակազմը, ևս շատ քննարկվեց։ Ըստ Ձեզ՝ ի՞նչ էր ուզում անել Բայդենը դա կազմակերպելով և ի՞նչ արդյունքներ ունի կամ կունենա։
-Այս հանդիպումը իրենից ներկայացնում է աշխարհում բռնատիրական ռևանշին դեմ արտահայտվողներին մոբիլիզացնելու փորձ։ Թե որքանով այն կհաջողվի, ապագայում կտեսնենք, հատկապես, երբ որոշ երկրներ, որոնք կարծում էին, որ պետք է այնտեղ լինեին, լուսանցքում էին, և հակառակը:
Հռիփսիմե Հովհաննիսյան
