19.05.2026 | 11:48
Մասկն ընդդեմ Ալթմանի. դատարանը մերժել է OpenAI-ի դեմ աղմկահարույց հայցը
ԱԳՆ-ի շենքի տարածքից 13 քաղաքացի է բերման ենթարկվել
Հասարակություն
10.12.2021 | 13:58
Լուրեր
19.05.2026 | 11:31
Հրապարակվել է Սոնա Մնացականյանի վրաերթի գործով Վերաքննիչ դատարանի որոշումը. ՈՒՂԻՂ
19.05.2026 | 11:30
Ռուսական զորքերը հարվածել են Ուկրաինայի մի քանի շրջանների. զոհեր և վիրավորներ կան
Այսօր մի խումբ ակտիվիստներ առավոտից բողոքի ակցիա էին անցկացնում ՀՀ արտաքին գործերի նախարարության շենքի տարածքում: Նրանց պահանջն էր՝ խոսել ԱԳ նախարար Արարատ Միրզոյանի կամ այլ աշխատակիցների հետ: Շարժման մասնակիցներին մոտեցել են ոստիկանության աշխատակիցները և հայտնել, որ ընդունելության համար սահմանված կարգ կա և կոչ են արել դուրս գալ ԱԳՆ շենքից՝ նշելով, որ հակառակ դեպքում բերման կենթարկեն: Ակցիայի մասնակիցները չեն համաձայնել դուրս գալ, ինչից հետո ոստիկաններն ուժ կիրառելով նրանց դուրս են հանել շենքից: Բերման է ենթարկվել 13 քաղաքացի։
«Քաղաքացիները բերման են ենթարկվել Վարչական իրավախատումների մասին օրենսգրքի 182 հոդվածով նախատեսված գործողություն կատարելու համար՝ հասարակական կարգի պահպանության, հասարակական անվտանգության ապահովման, օբյեկտների պահպանության պարտականությունները կատարելու ընթացքում ոստիկանության զորքերի զինծառայողի կամ ոստիկանության ծառայողի օրինական պահանջը չկատարելը»,- Factor.am-ի հետ զրույցում նշեց ոստիկանության Հասարակայնության հետ կապի և լրատվության վարչության պետի տեղակալ Էդգար Ջանոյանը։
Ռոզա Վարդանյան
