16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
ՌԴ-ից ցորենի արտահանման մաքսատուրքը դեկտեմբերի 15-ից կբարձրանա․ այն կկազմի 91 դոլար՝ մեկ տոննայի դիմաց
Քաղաքականություն
10.12.2021 | 16:47
Ռուսաստանի Դաշնությունից ցորենի արտահանման մաքսատուրքը դեկտեմբերի 15-ից կբարձրանա՝ 84,9 դոլարից հասնելով 91 դոլարի՝ մեկ տոննայի դիմաց։ Այս մասին հայտնել են ՌԴ գյուղատնտեսության նախարարությունից։ Գարու մաքսատուրքը մեկ տոննայի համար 75,1 դոլարից կդառնա 78,7 դոլար, եգիպտացորենինը՝ 54,3 դոլարից 54,4 դոլար։ Նոր մաքսատուրքերը կգործեն մինչև դեկտեմբերի 21-ը, գրում է «Ինտերֆաքսը»։
Հարկերը հաշվարկվում են ինդիկատիվ գների հիման վրա։ Ցորենի գինը կազմել է 330,1 դոլար՝ մեկ տոննայի դիմաց (մեկ շաբաթ առաջ՝ 321,3 դոլար), գարու գինը՝ 297,5 դոլար (292,3 դոլար), եգիպտացորենինը՝ 262,8 դոլար (262,7 դոլար)՝ մեկ տոննայի դիմաց։
Հունիսի 2-ին Ռուսաստանը մտցրել է հացահատիկի դեմպֆերի մեխանիզմ, որը նախատեսում է ցորենի, եգիպտացորենի և գարու արտահանման լողացող հարկեր և դրա արդյունքում ստացված միջոցներով գյուղատնտեսության սուբսիդավորում։
Մաքսատուրքերի դրույքաչափերը հաշվարկվում են շաբաթական հիմունքով՝ հիմնվելով մոսկովյան բորսայում գրանցված արտահանման պայմանագրերի գների վրա: Ցորենի սահմանային գինը տոննայի համար կազմում է 200 դոլար, եգիպտացորենի և գարու համար՝ 185 դոլար մեկ տոննայի դիմաց։ Մաքսատուրքի չափը կազմում է այս ցուցանիշի գերազանցման 70%-ը։
Տաթև Ֆռանգյան
