09.08.2026 | 15:31
Հրդեհը բռնկվել է տանը կից շոգեբաղնիքում․ ՆԳՆ
Ազգային ժողովի դիմացից բերման է ենթարկվել 10 քաղաքացի
Հասարակություն
08.12.2021 | 17:23
Ազգային ժողովի դիմաց ակցիա իրականացնող անհետ կորած և գերեվարված զինծառայողների հարազատներից և նրանց աջակիցներից բերման է ենթարկվել 10-ը․ Factor.am-ին հայտնեց ոստիկանության հասարակայնության հետ կապի և լրատվության վարչության զանգվածային լրատվամիջոցների հետ կապի, վերլուծության և լրատվության բաժնի պետ Զարզանդ Գաբրիելյանը։
Հիշեցնենք, որ այսօր առավոտից անհետ կորած և գերեվարված զինծառայողների հարազատները փակել էին Բաղրամյան–Դեմիրճյան խաչմերուկը։ Նրանք պահանջում էին, որ ԱԺ նախագահ Ալեն Սիմոնյանը ընդունի իրենցից 20 հոգու կամ գա փողոց` իրենց հետ հանդիպելու։ Գերիների հարազատների դժգոհության պատճառը երեկ համացանցում տարածված գաղտնի նկարահանված տեսանյութում Սիմոնյանի հնչեցրած մտքերն են։
Գերիների և անհետ կորածների վրդովված հարազատները երեկ երեկոյան հավաքվել էին Կառավարության շենքի մոտ, շիրակցի գերիների հարազատներն էլ բողոքի ակցիա իրականացրին մարզպետարանի շենքի դիմաց։ Ինչպես հարազատները, այնպես էլ ընդդիմադիր պատգամավորները, որոշ իրավապաշտպաններ ու հանրային գործիչներ խորհրդարանի ղեկավարի ձևակերպումներն անթույլատրելի են համարում և պահանջում են նրա հրաժարականը։
Արփի Հակոբյան
