19.05.2026 | 12:32
Երբ և ինչ պայմանների իրականացման դեպքում կբացվի Հայաստան-Թուրքիա սահմանը. Անկարայում Ադրբեջանի դեսպանի հայտարարությունը
Ուկրաինայի քոլեջներից մեկում ահաբեկչություն է կանխվել
Քաղաքականություն
08.12.2021 | 15:42
Լուրեր
19.05.2026 | 11:31
Հրապարակվել է Սոնա Մնացականյանի վրաերթի գործով Վերաքննիչ դատարանի որոշումը. ՈՒՂԻՂ
19.05.2026 | 11:30
Ռուսական զորքերը հարվածել են Ուկրաինայի մի քանի շրջանների. զոհեր և վիրավորներ կան
Ուկրաինայի Անվտանգության ծառայությունը Չերկասի շրջանի քոլեջում ահաբեկչություն է կանխել, որը ծրագրել էին ուսումնական հաստատության երկու ուսանողներ։ Այս մասին չորեքշաբթի հայտնել է Անվտանգության ծառայությունը, փոխանցում է ՏԱՍՍ-ը։
«Ուկրաինայի Անվտանգության ծառայությունը կանխել է ահաբեկչության իրականացումը Չերկասի շրջանի քոլեջներից մեկում։ Քննչական և օպերատիվ գործողությունների ընթացքում բացահայտվել են երկու ուսանողներ, որոնք իրենց համադասարանցիների զանգվածային գնդակահարությամբ են սպառնացել»,- ասվում է հաղորդագրության մեջ։
Գերատեսչությունը պարզաբանել է, որ ուսանողները ВКонтакте սոցիալական ցանցում հաղորդագրություններ են տարածել ահաբեկչության ծրագրման մասին՝ լուսանկարներով և տեսանյութերով, ինչպես նաև կոչ են արել միանալ իրենց՝ սպանելու իրենց հասակակիցներին։
Խուզարկությամբ ուսանողների մոտ հայտնաբերվել է երկու ատրճանակ, առգրավվել են համակարգչային տեխնիկա և կապի միջոցներ՝ նախատեսված հանցագործության ապացույցներով։
Քրեական գործ է հարուցվել ահաբեկչության հոդվածով։
Տաթև Ֆռանգյան
