11.10.2026 | 19:18
Արարատ Միրզոյանն աշխատանքային այցով կգտնվի Լեհաստանում
Քանի մարդ է պատվաստվել Հայաստանում, և որ սեռն է ավելի ակտիվ
06.12.2021 | 22:54
Հայաստանում կորոնավիրուսի դեմ պատվաստումների հարցում առավել ակտիվ են տղամարդիկ։ Այս մասին տեղեկանում ենք Առողջապահության նախարարության հրապարակած տվյալներից։
Նախարարությունը նշում է՝ թե՛ առաջին, թե՛ երկրորդ դեղաչափեր ստացած անձանց թվում տոկոսային հարաբերակցությամբ գերակշռում են արական սեռի ներկայացուցիչները։ 1-ին դեղաչափով պատվաստված անձանցից 45,9%-ը կանայք են, 54,1%-ը՝ տղամարդիկ, իսկ 2-րդ դեղաչափով պատվաստվածների 45,2%-ը կազմում են կանայք, 54,8%-ը՝ տղամարդիկ։
Նախարարությունը նաև հրապարակել է, թե դեկտեմբերի 6-ի դրությամբ քանի մարդ է պատվաստվել։ Ըստ այդմ՝ ՀՀ-ում կատարվել է 1 352 805 պատվաստում, որից առաջին դեղաչափ` 835 816, երկրորդ դեղաչափ` 516 989:
