19.12.2025 | 11:30
12-րդ դարի փայտե քանդակը կգնվի Լոնդոնի միջազգային աճուրդից և կտեղափոխվի Հայաստանի պատմության թանգարան
ԵԱՀԿ Մինսկի խմբի համանախագահները հայտարարություն են տարածել
Քաղաքականություն
04.12.2021 | 21:00
ԵԱՀԿ Մինսկի խմբի համանախագահները (Էնդրյու Շոֆերը ՝ Ամերիկայի Միացյալ Նահանգներից, Իգոր Կովալյովը ՝ Ռուսաստանի Դաշնությունից և Բրիս Ռոքֆեյը ՝ Ֆրանսիայից) դեկտեմբերի 1-ին հանդիպել են Հայաստանի արտգործնախարար Արարատ Միրզոյանի և Ադրբեջանի արտգործնախարար Ջեհուն Բայրամովի հետ՝ դեկտեմբերի 2-ին Ստոկհոլմում կայանալիք ԵԱՀԿ նախարարների խորհրդի շրջանակներում:
Համանախագահները նաև հանդիպել են ԵԱՀԿ գործող նոր նախագահ, Լեհաստանի արտաքին գործերի նախարար Զբիգնև Ռաուի հետ: Հանդիպումներին մասնակցել է ԵԱՀԿ գործող նախագահի անձնական ներկայացուցիչ (PRCIO) Անջեյ Կասպրշիկը:
«Համանախագահներն ափսոսում են, որ չհաջողվեց Հայաստանի և Ադրբեջանի արտգործնախարարների համատեղ հանդիպում անցկացնել Ստոկհոլմում իրենց հովանու ներքո։ Նրանք պատրաստակամություն են հայտնում անցկացնել նման հանդիպում, երբ թույլ տան հանգամանքները, շարունակել քննարկումները, որոնք սկսվել են Նյու Յորքում սեպտեմբերին և Փարիզում նոյեմբերին»,- ասված է համանախագահների տարածած հայտարարության մեջ:
