30.07.2026 | 00:02
Որպես անհետ կորած որոնվում է 2012թ. ծնված Վահե Ապիկյանը
Բայդենը հայտարարել է, որ չի ճանաչում Պուտինի «կարմիր գծերը» Ուկրաինայում
Քաղաքականություն
04.12.2021 | 11:19
ԱՄՆ նախագահ Ջո Բայդենը հայտարարել է, որ Ուկրաինայի համատեքստում չի հարգում որևէ մեկի կարմիր գծերը. հաղորդում է ՏԱՍՍ-ը:
Երկրի ղեկավարին խնդրել են մեկնաբանել հայտարարությունները, որոնք Մոսկվան համարում է «կարմիր գծեր», մասնավորապես՝ ՆԱՏՕ-ի ենթակառուցվածքների, այսպես ասած, մոտեցումը Ռուսաստանի սահմաններին և հարվածային համակարգերի ու հիպերձայնային զենքերի տեղակայումը Ուկրաինայի տարածքում։ «Ես չեմ ճանաչում ոչ մի կարմիր գիծ»,- ասել է Բայդենը։
Նա հավելել է, որ հույս ունի «երկար զրույց» ունենալ Ռուսաստանի առաջնորդ Վլադիմիր Պուտինի հետ։ «Մենք վաղուց գիտեինք Ռուսաստանի գործողությունների մասին, ես ակնկալում եմ, որ մենք երկար զրույց կունենանք Պուտինի հետ»,- ասել է պետության ղեկավարը՝ անդրադառնալով ռուս-ուկրաինական սահմանին տիրող իրավիճակին։ Նա չի նշել Ռուսաստանի ղեկավարի հետ շփումների հնարավոր ժամկետներն ու ձևաչափը։
Ինչպես ավելի վաղ հայտնել էր ՌԴ ղեկավարի օգնական Յուրի Ուշակովը, Պուտինի և Բայդենի հանդիպման ամսաթիվը կհայտարարվի ամերիկյան կողմի հետ համաձայնեցնելուց հետո։
