18.12.2025 | 13:40
Ադրբեջանցի դատախազն առաջարկել է Ռուբեն Վարդանյանին դատապարտել ցմահ ազատազրկման
Թուրքերի 64 տոկոսը կարծում է, որ Էրդողանի կառավարությունը չի կարող լուծել երկրի տնտեսական խնդիրները. սոցհարցում
Քաղաքականություն
22.11.2021 | 22:03
Թուրքիայում Metropoll հետազոտական ընկերությունը հրապարակել է 2021 թվականի հոկտեմբերին անցկացված սոցհարցումների տվյալները, գրում է Bianet-ը։
Մասնավորապես, մասնակիցներին հարցրել են՝ արդյոք իշխող «Արդարություն և զարգացում» կուսակցության կառավարությունը կարող է լուծել Թուրքիայում առկա տնտեսական խնդիրները։ Մասնակիցների 64․1 տոկոսն ասել է, որ չի կարող լուծել, 28․4 տոկոսը պատասխանել է դրական, 7․5 տոկոսն էլ նշել է, որ «գաղափար չունի»։
Հարցին՝ ընդդիմադիր կուսակցությունները կարո՞ղ են լուծել ժողովրդի տնտեսական խնդիրները իշխանության գալու դեպքում, հարցման մասնակիցների կեսից ավելին բացասական է պատասխանել․ 55 տոկոսը նշել է, որ նույնիսկ ընդդիմադիր կուսակցությունների իշխանության գալը չի լուծի տնտեսական խնդիրները։ 37 տոկոսն էլ այն կարծիքին է, որ այդ դեպքում խնդիրները կլուծվեն։
Նշենք, որ Թուրքիայի բնակչությունը սոցիալ-տնտեսական լուրջ խնդիրների է բախվում լիրայի արժեզրկման ու գնաճի պատճառով։ Միայն հոկտեմբերին սպառողական գնաճը կազմել է 19․9 տոկոս։
Էմմա Չոբանյան
