12.10.2026 | 23:18
Գազամատակարարման դադարեցումներ՝ Հայաստանի մի շարք հասցեներում
Ռազմական ոգին պահելու հարցում ունենք խնդիրներ․ Սամվել Վանեսյան
Հասարակություն
05.04.2018 | 15:21
«Սովորողների ռազմահայրենասիրական դաստիարակության ռազմավարության մասին» կառավարության որոշման նախագիծը կարևոր է նրանով, որ դրա բացակայության պարագայում մենք տանուլ կտանք պատերազմում, հետևաբար, այն շատ կարևոր է ռազմական ոգին ամուր պահելու համար, սակայն, այս առումով ունենք խնդիրներ, քանի որ քիչ ժամաքանակ է հատկացված ռազմագիտության դասաժամերին։ Այս մասին այսօր լրագրողների հետ զրույցում ասաց ռազմագիտության ուսուցիչ Սամվել Վանեսյանը և նշեց, որ Կառավարությունը պետք է ուշադրության կենտրոնում պահի ռազմագիտություն առարկան և դասերի որակն ու քանակը:
«Դասաժամերը քիչ են, շաբաթական տրվում է մեկ ժամ, որը շատ քիչ է։ Կոնկրետ առաջարկությունն այն է, որ սկսեն ցածր դասարաններից, քանի որ «Ռազմագիտություն» առարկայի ուսուցումը ստանում են ութերորդ դասարանից հետո։ Երեխաները պետք է պատրաստ գնան բանակում ծառայելու։ Այսօր ունենք նաև շատ աղջիկներ, որոնք ցանկանում են ծառայել»,- ասաց նա՝ ընդգծելով, որ այս հարցում կա մեծ բաց, և երեխաները հոգեպես, բարոյապես պատրաստ չեն բանակում ծառայելուն, ինչն էլ ուղղելուն պետք է միտված լինի Կառավարության ներկայացրած ծրագիրը։
Ամբողջությամբ՝ տեսանյութում։
